Dizionari de Lenghe Furlane

meti in vore    [FO]

1. loc.v. meti materiâl in mût di formâ une struture, une costruzion:  chê altre dì o soi stât a Turniçons, indulà che e je stade metude in vore la prime piere de gleseute che la borgade e à volontât di fâ (Josef Marchet, Lis predicjis dal muini); ogni compagnie e à mandât, in turno, de trincee, prime i minadôrs che a àn gjavade la piere, po i scarpelins che le àn scuadrade, po i muredôrs che le àn metude in vore (Pieri Menis, La glesiute dai alpins)
2. loc.v. doprâ o fâ funzionâ alc:  par vê farine bisugne meti in vore il mulin (Raffaele Serafini, B123ST); chel frut al tire fûr chê mieze pagnoche vanzade e al ti l'è par meti in vore i dincj (Dolfo Zorzut, Jacumin e i trê cjans); al è stât nome metint in vore dute la nestre esperience che o sin rivâts a cjatâ il cjaveç par distrigâ il berdei! (Stiefin Morat, Donald dal Tiliment)
   Sin. meti in opare , meti in azion
   
   1. fâ lavorâ cdn.
3. loc.v. fâ, passâ de idee ae realizazion o de teorie ae realtât:  meti in vore i principis e i orientaments dâts dal Parlament european (Marc Stolf, Minorancis linguistichis); Marc al è plui anzian di noaltris e plui espert di noaltris. Jo mi fidi, e o speri che in gracie di lui o rivarai a meti in vore il Plan dal Rocul (Adrian Cescje, Memoriis di politiche linguistiche)
   Sin. meti in opare , meti in pratiche , meti in at
4. loc.v. fâ esisti, fâ che si realizi:  chest an culì a àn tornât a inmaneâ la «parade militâr» a Rome cu la sfilade de trupe ai «fori imperiali». Al jere nûf agns che no le fasevin, che le vevin abolide. Chest an le àn tornade a meti in vore (Riedo Pup, Lis mudantis tricolôr); une oportunitât par meti in vore un vêr cambiament (Marc Stolf, "Brexit", inglês isolazioniscj e scozês europeiscj)

Components:

• meti v.tr.
• vore s.f.