Dizionari de Lenghe Furlane

meti in at    [CO]

1. loc.v. fâ, passâ de idee ae realizazion o de teorie ae realtât:  se lis idealitâts dal Cuarantevot a fossin stadis metudis in at, salacor che no si sarès rivâts a chest pont: ma la unitât taliane e je stade imbastide dute a spesis de libertât (Josef Marchet, La unitât cuintri la unitât); la sanitât publiche e à metût in at une serie di controi e di rispuestis concretis che a àn sbassât i fatôrs di pericul (Guglielmo Pitzalis, Nissun pericul dai forescj)
   Sin. meti in vore , meti in opare

Components:

• at s.m.
• meti v.tr.