ocupazion
/-òn/
o|cu|pa|zi|on
[AF]
-
s.f.
azion e risultât di cjapâ possès, in mût plui o mancul legâl, di un puest, di un ambient e v.i., ancje tant che azion di manifestazion politiche o tant che espression di alternative sociâl:
no si puedin ignorâ lis ocupazions e i volantinaçs dilunc la Tresemane, e il fat che ai politics ur fos simpri plui dificil vignî tes tendopolis a mostrâ la muse (Igor Londero, Cuintristorie dal taramot)
-
[TS]
milit., dir.intern.
invasion e control militâr di un teritori:
la ocupazion dal Friûl par man di Vignesie e scugnive fâ nassi fuartis reazions (Josef Marchet, Cuintristorie dal Friûl fin sot la Italie);
intant, tal paîs, la vite di ocupazion e continuave simpri cul so opressîf drandran: recuisizions, robariis, ordins e pôre (Roberto Ongaro, Il muc)
-
[TS]
dir.am.
cjapade di possès temporanie di une proprietât di un altri pe utilitât di ducj
-
[TS]
dir.civ.
acuisizion de proprietât midiant de cjapade di possès di un ben che nol è di nissun o che al è stât bandonât
-
s.f.
cualsisei ativitât che e impegne timp:
sô mari e sôs sûrs a jerin rivadis a insegnâi a gucjâ e alore ti passave oris e oris in chê ocupazion (Pieri Menis, Pascute);
la sô ocupazion plui impuartante o jeri jo (Carlo Sgorlon, Il dolfin)
Sin. afâr
, ativitât
, cefâ
-
lavôr paiât, soredut cun caratar di subordenazion e continuitât, sedi a nivel individuâl sedi tant che fenomen sociâl e statistic:
"[…] Cumò o varès voie di maridâmi, di fâ famee, di comedâ la cjase, ma cemût? Cence un franc, cence une ocupazion!" (Roberto Ongaro, Il muc);
il calâ dal redit e dal numar des impresis in ativitât si è fat sintî sui nivei di ocupazion e disocupazion (Fulvio Mattioni, Il futûr dal Friûl: laude ae "no sotan" economy)
Sin. lavôr
, implei