funzion
/-òn/
fun|zi|on
[FO]
-
s.f.
ativitât fate par rivâ a un ciert fin, a un ciert obietîf:
se no je in ûs ta chês ativitâts che a son decisivis pal lâ de societât, la lenghe e restarà margjinâl e, cence une vere funzion sociâl, e vignarà simpri mancul doprade (Xavier Lamuela, La grafie furlane normalizade);
ce funzion àno fate i gjornâi talians fintremai in dì di vuê? Nome chê di dâle ad intindi in dut e pardut o a favôr dal guvier o cuintri dal guvier, e simpri al servizi di un partît (Josef Marchet, Il pietin e il grop)
-
s.f.
fin o risultât specific di alc:
a àn vude cheste funzion lis cunvignis de Aidlcm, di formâ un moviment di ideis sui dirits des minorancis (Adrian Cescje, Memoriis di politiche linguistiche)
-
s.f.
ativitât lavorative o nivel di responsabilitât lavorative di cdn., spec. intun ufici:
al è un concors par doi impleâts cun funzion di mes comunâl
Sin. cjarie
, dovê1
, lavôr
, mansion
, ufici
, vore
-
ativitât che si fâs tal puest di cdn. altri:
intant che il president nol è, al fâs lis sôs funzions il vicepresident
-
s.f.
cerimonie religjose:
o vevin fate une scjampade in glesie che a cjantavin funzion (Meni Ucel, I colaçs);
lis funzions de setemane sante a saran fatis dutis in plêf: aes vot chês di buinore; aes sîs e mieze chês di sere (Josef Marchet, Lis predicjis dal muini)
Sin. rît
, rituâl
-
s.f.
complès des ativitâts fatis di organisims particolârs o istituzions tal interès di altris, spec. public:
lis funzions e lis prerogativis dal president dal consei comunâl e dal vicepresident a son fissadis dal regolament pes sentadis dal consei comunâl (Aministrazion Publiche, Statût dal Comun di Udin);
daûr de Patente imperiâl dal 1861, la Contee di Gurize e di Gardiscje e veve funzions aministrativis e normativis (Ferruccio Tassin, Autonomie tal Friûl austriac)
Sin. podê2
-
s.f.
[TS]
biol.
ativitât proprie di une sostance, di une celule, di un orghin o di un complès di orghins:
studis di imunoistochimiche a àn dimostrât che a esistin diviers neurotrasmetidôrs, che a son presints in ciertis areis e struturis dal cerviel (pluitost che in altris) e che a tegnin sù diferentis funzions (Franc Fari, Eric Pascul, Autonomie e democrazie, i numars de socializazion umane);
la ativitât fisiche e jude a rinfuarçâ la struture e la funzion dai vues e dai muscui (Guglielmo Pitzalis, Ocjo ai vues!)
-
s.f.
[TS]
ling.
rûl di un element linguistic dentri di une frase:
cumò la funzion dal subiet tal puest tonic le fasin i câs rezidôrs di une volte (Zorç Cadorin, Cualchi ipotesi sul furlan di prin di scrivilu)
-
s.f.
[TS]
mat.
dâts doi insiemis, aplicazion di ogni element dal prin suntun sôl element dal secont
-
la formule di chê aplicazion e il so grafic
-
fis.
formule matematiche che e significhe la corispondence tra dôs grandecis fisichis
-
logj.
in logjiche matematiche, operazion che, aplicade ai elements di un insiemi che si clamin argoments, e da di risultât un element, che si clame valôr, di chel stes insiemi o di un altri
-
s.f.
[TS]
chim.
insiemi des proprietâts chimichis e fisichis dai composcj organics che te lôr molecule a son grups atomics che a causin chês proprietâts
-
il grup atomic stes
-
s.f.
[TS]
dir.
potestât esecutive par un interès no propri ma obietîf o di altris
-
s.f.
[TS]
inform.
struture che e permet di meti dongje une secuence di istruzions tant che se fos une unitât e che e je part di un program