podê2
po|dê
[FO]
-
s.m.
facoltât, capacitât, pussibilitât di fâ alc, di rivâ a di une finalitât:
al someave cjapât a strent des robis e pleât sot un pês plui grant dal so podê, puar om (Maria Forte, La tiere di Lansing);
al jere la uniche persone che e podeve e che e voleve dâi une man, che e veve il podê di fâle sintî mancul di bessole (Franca Mainardis, Il sium di Lissandri);
nus interesse la scriture parcè che e ten il podê di pandi, di pandisi, di stramudâ viers di altre int lis ideis, emozions, afiets (Zorç Cadorin, Presentazion dal DOF piçul)
Sin. fuarce
, facoltât
, capacitât
, pussibilitât
-
facoltât sorenaturâl:
al veve lassât cori tantis vôs sul so cont: che lui al veve un podê fûr dal ordenari cuintri lis tristis robis, che si intindeve cun spirts e aganis, cun gans e maçarûi (Maria Forte, Il Bide di Miot);
e jere une robe di no crodi. Al veve un podê telepatic! (Checo Tam, Sense)
-
s.m.
pussibilitât di dominâ une situazion o altris personis:
[si dopre une lenghe ancje] par "metisi in mostre", par incressi la nestre atrative e il nestri podê su chei altris (Franc Fari, Il cjâf dai furlans);
i grancj, invezit, a pensin a la storie e a la glorie. E nol sarès nuie di mâl se si rangjassin di bessôi, se no vessin la bisugne e il podê di mandâ popui intîrs a sassinâsi un cuintri l'altri (Riedo Pup, Vitoriis e batostis)
Sin. autoritât
-
s.m.
autoritât sovrane intun grup, une comunitât, un Stât, complès dai orghins che a puartin indenant chê funzion:
ce che al tignive dongje dute cheste int e jere secont me la cuistion de lenghe, la autonomie e un ategjament critic viers dal podê di in chê volte (Max Mauro, Un Friûl difarent: i 90 mhz di Onde Furlane);
tes gnovis provinciis […] il podê locâl al jere tes mans dai militârs, dai funzionaris talians e di chê borghesie che cumò e butave […] cuasi dute pe Italie (Carli Pup, La seconde Irlande)
Sin. autoritât
-
s.m.
[TS]
dir.
complès di funzions juridichis e istituzionâls che a son dadis dal ordenament juridic a di un sogjet tant che titulâr di un ufici:
la Regjon e esercite lis funzions aministrativis intes materiis indulà che e à il podê legjislatîf (Aministrazion Publiche, Statût Speciâl de Regjon Autonome Friûl-Vignesie Julie)
-
s.m.
[TS]
sient.
cualitât di un cuarp o di une sostance di produsi efiets e fenomens fisics:
podê ossidant;
podê radiant
Cfr. proprietât
Polirematichis e espressions idiomatichis