fuarce
/-à-/
fuar|ce
[FO]
-
s.f.
energjie fisiche, robustece, vivôr dal cuarp:
[Nardon] al pareve un zigant, al veve une fuarçate che di bessôl al cjapave sù un cuintâl di forment, sal butave su lis spalis e lu puartave sul solâr cence scomponisi (Pieri Somede dai Marcs, Nardon e Vigjute di Nani);
denant dal spolert in bore, une viele grasse cui braçs taronts e messedave cun fuarce une biele polente zale (Franca Mainardis, Grivôr)
Sin. energjie
, gaiardece
, gnerf
, potence
, robustece
, virtût
, vite
, vivôr
, snait
, empit
-
s.f.
capacitât di resistence morâl, energjie spirituâl, spirt:
un colp di fede al è come une scoreade che e fâs tornâ a movi fuarcis incjantonadis ta la anime e il mâl al à cûr di sfantâsi (Maria Forte, Il Bide di Miot);
la sô peraule e rivave simpri a tornâ spirt e fuarce a ducj, ancje tal piês cruziâsi (Maria Forte, Cjase di Dalban);
bisugne vê la fuarce di cjalâ dut cence parevoi e di pesâ dut cence baronade (Josef Marchet, Lis predicjis dal muini)
Sin. decision
, determinazion
, gnerf
, indurance
, robustece
, saldece
, sgrimie
, snait
, spirt
, tignince
, ustinazion
-
tant che inter., par fâ fuarce, dâ cûr:
"Fuarce, fantats, che il piês al è passât!" (Roberto Ongaro, Il muc)
Sin. alè
, alon
, dai mo
, dai po
, sù
, sù mo
, sù po
, aide
, dai1
-
s.f.
convinzion, decision:
- Jo no soi in dovê di nuie! - al disè cun fuarce. - E mancul che mancul viers di te! (Gianni Gregoricchio, Trê feminis)
Sin. snait
, empit
, viamence
-
s.f.
ben, cualitât, disposizion e v.i. che e permet di fâ alc, di rivâ a un risultât e v.i.:
il lavôr è la nestre fuarce, l'ordin è la nestre grandece (Pieri Somede dai Marcs, Resurezion a Pontinie);
massime i doi Torians, Raimont e Paian, a doprarin lis fuarcis e lis risorsis dal Friûl par judâ i interès de lôr famee in Lombardie, tes sôs vueris cuintri i Visconts (Josef Marchet, Cuintristorie dal Friûl fin sot la Italie)
-
s.f.
energjie des facoltâts inteletivis o emotivis:
«Chest ca» al diseve il cont alçant la tace, «al da fuarce al inzen e alis ae fantasie» (Alan Brusini, Par stradis lungjis);
la chelare cui voi plens di turchin e la sede bionde de piel e sgurletave dibant intor di lui. Che al jere di vê judizi e fuarce di amôr lontan (Maria Forte, Varc di confin)
-
s.f.
potence, intensitât di un element naturâl o di un fenomen fisic e sim.:
tal indoman il cîl al jere net come un veri, e la aghe tes stradis e veve scomençât daurman a calâ di nivel e plui di dut no veve aromai la fuarce e la velocitât di prin (Carlo Sgorlon, Ombris tal infinît);
e scomence a gotâ la ploie. O alci il cjâf, par misurâ la fuarce dal timp (Arturo Feruglio, Viaç a Vignesie)
Sin. empit
, energjie
, gaiardece
, gnerf
, potence
, sburt
, viamence
, violence
, vivôr
-
s.f.
element che al pues puartâ un risultât su personis, robis, sul ambient e v.i.:
in nissun sît come culì la autoritât centrâl e somee une fuarce contrarie ae libertât, une ofese cuintri la logjiche, une assurditât creade par dispiet o par tristerie (Josef Marchet, La man e la arme);
la citât ti somee imbombide di straniis presincis. Come se i oms a sedin menaçâts di fuarcis che no si cognossin (Checo Tam, Leviathano!);
l'om, cul progrès sientific, cul domini des fuarcis de nature che al va cjapant simpri plui, i somee che aromai preâ nol zovi plui (Francesc Placerean, Il popul furlan al à ancjemò nostalgjie des robis bielis e santis)
-
s.f.
energjie fisiche, at o ategjament violent cuintri di cdn. o di alc:
siore Anute, zigant come une gjaie, e veve cjapât la fie par un braç e le veve sdrangolade cun fuarce par obleâle a gjavâ l'anelut (Maria Forte, Cjase di Dalban)
Sin. prepotence
, violence
-
s.f.
tal pl., grup di oms armâts:
o sin a Leipzig, dulà che lis fuarcis de Coalizion a àn drazât l'esercit di Napoleon (Checo Tam, La maree nere);
cuatri bataions di fantarie formâts, in part, di Furlans, di Lombarts e di Venits e une sezion di artiliarie cun sîs canons: chestis fuarcis a jerin dividudis tra Udin, Osôf e Palme (Josef Marchet, Cuintristorie dal Friûl fin sot la Italie)
-
s.f.
spec. tal pl., grup di personis che a àn in comun ativitâts, programs politics, rivendicazions, obietîfs di domine e v.i.:
il sindic al met in vore proceduris idoniis di consultazion cu lis fuarcis economichis e sociâls interessadis (Aministrazion Publiche, Statût dal Comun di Udin)
-
s.f.
[TS]
fis.
grandece vetoriâl, definide dal secont principi de dinamiche di Newton:
la curvadure dal spazitimp e à di corispuindi a lis fuarcis gravitazionâls (di maree) che o cognossin, che a son gjeneradis de presince di masse (viôt la leç di Newton) (Sergio Cecotti, Teologjie algjebriche)
-
s.f.
[TS]
chim.
capacitât di reagjî di acits e di basis, determinade dal lôr grât di dissociazion in soluzion
-
s.f.
[TS]
marcj.
facoltât de farine di tignî plui o mancul aghe inte panificazion
Polirematichis e espressions idiomatichis
Proverbis:
- a jessi sincîrs, si à fuarce
- bisugne spindi seont lis fuarcis
- cuant che a fevele la fuarce, a tâs la reson
- cuant che e rive la fuarce, la justizie si slontane
- cui che al à plui fuarce al à plui reson
- cuintri la fuarce no vâl reson
- il vin i da fuarce a la lenghe e ur e cjol a lis gjambis
- la suste simpri tirade e piert la fuarce
- la union e fâs la fuarce
- par grande che e sedi la çocje a fuarce di fâ setiç si consume