Dizionari de Lenghe Furlane

gnerf  /-è-/  gnerf  [AF]

1. s.m. [AF, TS] anat. ognidun dai elements dal sisteme gnervôs periferic, ognidune des struturis che a trasmetin sensazions e comants a dut il cuarp:  un sisteme gnervôs periferic (formât dai gnerfs sensoriâi e motoris dai braçs, des gjambis e dal crani) (Franc Fari, La evoluzion dal çurviel e de cussience tai vertebrâts)
   Var. gnarf , sgnerf , sgnarf
2. s.m. (fam.) sensibilitât psicologjiche:  Zuan al veve un troi burît di emozions che a i sbisiavin i gnerfs (Stiefin Morat, Claps)
   
   1. stât di ecitazion, di ansie:  al è un bum bum cence polse che mi cjape il stomi mighe il cerviel! Mi vegnin i gnerfs a mil che lu scjafoiarès! (Walter Gozzer, I efiets de musiche)
      Sin. baticûr , gnervôs , ansie , sbisighin , ansime
3. s.m. (fig.) pont sensibil, vulnerabil:  Maniacco, fin cumò, al à piçât il gnerf de pseudoidentitât furlane, ma nol à savût lâ oltri, tal individuâ lis complessitâts che ancje il mont furlan al à madressût (Max Mauro, Il capitâl contadin e il farc da la patate invisibile)
4. s.m. (fam.) tendin, leament dai muscui intor dai vues:  un pugn tai gnerfs de cope lu sdrumà par tiere (Roberto Ongaro, Il muc); il so cuarp al jere plui sut, come se muscui e gnerfs si fossin suiâts (Adriano Nascimbeni, Un brut dopodimisdì)
   
   1. scorie o scoreìn fat di leament di bo o di altri materiâl:  al burì fûr di un armâr un gnerf e al tacà a molâi di chês gnervadis di distacâ la piel (Roberto Ongaro, Il muc)
   2. fibre dure inte cjar che si mangje:  e rivave une grande fersorie plene di cjar e gnerfs. No sai cemût che o rivavi a mangjâ (Checo Tam, Mater Tenebrarum)
5. s.m. (fig.) fuarce, sedi fisiche che psicologjiche o morâl o ancje espressive:  une imprese pal cuarp, che al à di visâsi di ducj i alenaments e di tirâ fûr il gnerf propit cuant che no tu âs plui un fregul di muscul che no ti fâs mâl (Cristina Noacco, Faliscjis); dialet famôs che si po viodi in flôr / se si lei Colorêt o il grant Lunari; / dolç come cjant di uciel e, par contrari, / plen di moto e di gnerf, plen di calôr (Pieri Bonin, Dialet furlan)
   Sin. fibre , fuarce , snait , vivôr , medole , schene , vues , energjie , slanç , morbin

Polirematichis e espressions idiomatichis

• dâ sui gnerfs loc.v.
• dâ tai gnerfs loc.v.
• fâ saltâ i gnerfs loc.v.
• tignî i gnerfs a puest loc.v.