ansime
/à-/
an|si|me
[CO]
-
s.f.
dificoltât di respirâ, respîr sfuarçât o sunorôs:
la ansime e il flât e crevavin il discors, e discusivin lis peraulis (Domeni Zannier, La crete che no vai);
jê mi salte intor, mi strenç di fâmi mâl, e je dute cuintri di me, il so respîr al è une ansime (Alan Brusini, Gian Paolo Linda, I forescj)
Sin. anse
, ansie
-
s.f.
stât di malstâ psicologjic, cun tension e preocupazion par alc di negatîf che al podarès sucedi:
none Lise e scoltave cun ansime vive tal cûr e si impensave che ancje tes sôs gnots lontanis, fantasimis di chê fate i cruziavin i siums (Maria Forte, Cjase di Dalban);
cualchi vecjute in ansime murmugnant sotvôs une preiere si strissine dongje i veris sierâts pe frescure de sere… ducj a son in spiete, cuasi tignint il flât e a spicin lis orelis (Pieri Somede dai Marcs, L'ultin cordo)
Sin. ansie