ansie
/à-/
an|si|e
[AF]
-
s.f.
stât di malstâ psicologjic, cun tension e preocupazion par alc di negatîf che al podarès sucedi:
viodint che la gnot si avanzava, e cun duta la ansia del mâl sintint il strepit del vint che infuriava, scomenzà a sintî una paùra dolorosa di cualchi disgrazia (Federigo Comelli, Il me paîs);
i mês che al veve stât vie in vuere, a jerin stâts, par jê, un infier di pôre di ansie, di spiete, di baticûr (Roberto Ongaro, Il muc);
ridadis e sgrisui si messedavin tune sensazion di plasê e di ansie aes peraulis de none (Maria Gioitti del Monaco, None Menie)
Sin. cruzi
, cruzie
, ingôs
, lancûr
, spasim
, travai
, tribul
, tribulazion
, angosse
, aprension
, preocupazion
, pinsîr
, ansietât
-
s.f.
desideri fuart che al met in tension:
e i voi dal muribont a si erin vierts / e spalancâts sun me - cu la ansie di savê la veretât (Anute Fabris, Pa la sagre di Gurize);
uciei van dentri e fûr dal nît / a sustignî gnovis vitis, / âfs e furmiis ingrumin / pal doman… / Pardut ansie di vivi. / Dome dentri di me / al è alc che al mûr (Maria Gioitti del Monaco, Sul prât)
-
s.f.
[BF]
dificoltât di respirâ
Var. anse