Dizionari de Lenghe Furlane

preocupazion  /-òn/  pre|o|cu|pa|zi|on  [AF]

1. s.f. stât emotîf malcuiet, ansiôs, pe prevision che al podarà sucedi alc di negatîf:  ogni tant al deve une cjalade plene di preocupazion dulintor, come che a fossin daûr a dismovisi pôris e superstizions (Carlo Sgorlon, Il dolfin)
   Sin. angosse , anse , ansietât , ansime , aprension , cruzi , cruzie , fastidi , ingôs , lambic , lancûr , malcuietece , pinsîr
   Cfr. teme¹ , pôre , temit , timôr¹
   
   1. pinsîr, prevision, considerazion che a fasin nassi chel stât emotîf:  i doi fîs plui grancj a vevin bielzà imparât il mistîr dal pari e la famee no veve preocupazions pe bocjade (Angelo Covazzi, La depression); i fatôrs che i causavin lis crisis [di epilessie] a jerin soredut i displasês e lis preocupazions (Franc Fari, Il cjâf dai furlans)
   2. situazion, persone, facende e v.i., che e fâs vignî chel stât emotîf:  la mê preocupazion e jere tal fat che dute la vore de Comission e ancje la incjarie a Lamuela no jerin ancjemò stadis formalizadis di une aprovazion dal Consei de Provincie di Udin (Adrian Cescje, Memoriis di politiche linguistiche)
2. s.f. pinsîr o obietîf che al cjape une vore la atenzion, che al domande cuasi dut l'interès e l'impegn di une persone:  o varìn un guvier di tabaiots indulà che la uniche preocupazion e sarà chê di fâ trionfâ ognidun il so partît (Josef Marchet, Se e larà drete)
   Sin. cure , curie² , fastidi , lambic , premure , impegn