Dizionari de Lenghe Furlane

timôr¹  ti|môr  [AF]

1. s.m. sensazion negative dade de prevision che al puedi sucedi alc di pericolôs o di brut:  timps di vuere, dulà che a ogni moment si podeve spietâsi un bombardament o une imboscade o un combatiment, dulà che la int e viveve simpri plui cun timôr e suspiet di dut (Pieri Menis, Sul agâr); di gnot nol sierave voli, par timôr che a jentrassin a robâi dut (Raffaele Serafini, B123ST)
   Sin. pôre , preocupazion , teme¹ , temit
   Cfr. aprension , baticûr , cruzie , fastidi , fufe , lambic , lancûr , torment , travai , sbigule
2. s.m. disposizion psicologjiche di sumission e rispiet:  nol à vût dûl ne di puarets ne di malâts; nol à vude remission ne cui debitôrs ne cui dipendents; nol à vût timôr ne di Diu ne dai Sants (Josef Marchet, Lis predicjis dal muini); [la Mont Grande] e jere imbombade de sô liende e e bibave autoritât e sudizion su dut il paisut che, incovât da pît, le cjalave cun timôr e cun rispiet (Roberto Ongaro, Cretevierte)
   Sin. pôre , rispiet , riverence , rivuart¹ , teme¹ , temit

Proverbis:

• bisugne temê Diu par amôr e no amâlu par timôr
• il timôr al è dai triscj