rispiet
/-èt/
ris|piet
[FO]
-
s.m.
sintiment o puartament di stime, riverence, ricognossiment de dignitât di cdn. o di alc:
se a incuintravin siore Lise le saludavin cun rispiet (Maria Forte, Cjase di Dalban);
se nol fos stât par rispiet da la etât, i varès insegnât lui a misurâ lis peraulis (Pieri Menis, Il «comandatôr»);
la propagande interessade no à nissun rispiet par nissune fate di veretât (Josef Marchet, La unitât cuintri la unitât)
-
spec. tal pl., doprât tant che formule di salût:
"I miei rispiets a ducj […]" (Costantino Smaniotto, Co l'amôr al cimie)
-
s.m.
rivuart, atenzion intai confronts di ogjets, bens, robis:
il Land austriac al à imponût, in non dal rispiet dal ambient, limitazions impuartantis al trafic dai Tir (Roberto Pensa, Model Tirôl pal Friûl)
Sin. rivuart1
, scrupul
-
s.m.
ubidience a un principi, a une istituzion, a une autoritât, a un impegn cjapât e v.i.:
un popul nudrît di serietât, di cussience civîl e sociâl, di rispiet aes leçs, di amôr pe justizie (Josef Marchet, Amôr di patrie!);
in cjase mê no son mai stadis trainis…, ma simpri rispiet pe autoritât, sudizion a lis leçs e fedeltât ai Asburcs (Alviero Negro, Int di masnade)
Sin. osservance
Polirematichis e espressions idiomatichis
Proverbis:
- la trope confidence e fâs mancjance di rispiet
- ni in taule ni in jet no si puarte rispiet
- rispiet pai viei, pazience cui mats e sopuartâ lis malis lenghis