scrupul
/scrù-/
scru|pul
[AF]
-
s.m.
pinsîr che nol lasse jessi sigûrs o cuiets:
a pene une ombre, un scrupul di vê sbaliât il judizi su di lui (Maria Forte, Mabile la Lunghine);
i vignì un brut scrupul, un suspiet trement (Antoni Beline, Pre Pitin);
e al mi ven un scrupul: no sarà magari vere une altre […] (Laurin Zuan Nardin, Su la sene: a degradin parfin lis peraulatis)
Sin. pinsîr
, preocupazion
, dubi1
, ombre
-
dubi o ipotesi che cdn. al sedi responsabil di alc di mâl:
se cualchidun de borgade al savès alc e i carbinîrs a vignissin a domandâi se al à cualchi scrupul [su cui che al è il lari], ti pararessial bon che ducj si tirassin indaûr zurant che no san nuie? (Josef Marchet, Lis predicjis dal muini);
"Cualchi scrupul si po vêlu…, ma ancje se si savès di precîs cui che al à stât… Nol sarès il câs di lâ a contâjal ai polizais" (Alviero Negro, Int di masnade)
-
s.m.
fren de cussience che al straten dal fâ alc di mâl o che al fâs pintî:
nissun si fâs scrupul di doprâ cualchi imbroi (Josef Marchet, Amôr di patrie!);
int cence peraule, che a no à nissun scrupul a zurâ il fals (Luigi Gortani, Al marcjât di Vile)
-
s.m.
impegn particolâr tal fâ alc:
lavôr puartât indenant cun scrupul di Agnul Pittana (Lucio Perès, Argagns pal mistîr)
Sin. cure
, curie2
, atenzion
, diligjence
, precision
, premure
, impegn
, meticolositât
, studi