diligjence
/-èn-/
di|li|gjen|ce
[CO]
-
s.f.
impegn precîs e metodic tal puartâ indevant un compit:
chei che varan mandât un numar plui grant di nons e che varan operât cun plui diligjence, ricevaran un premi (Achil Telin, La Patrie Ladine, I, 2);
un premi pe diligjence straordenarie che al veve mostrade (Pieri Menis, Il «comandatôr»)
Sin. cure
, curie1
, atenzion
, impegn
Var. diligjenzie
-
s.f.
caroce par traspuarts di linie:
plui no corin diligjencis, / plui no zirin lis stafetis (Toni Broili, La metamorfosi udinese dai 17 Març ai 24 Avrîl 1848);
il mieç plui solecit e sigûr che vevin i cjargnei par lâ insin a Udin, al ere chel de diligjence di Anzil di Cuelalt, che oltre ai passezîrs e menave ancje la pueste da Udin a Tumieç (Giovanni Gortani, Lant jù pe Tresemane)
Sin. brancart