Dizionari de Lenghe Furlane

atenzion  /-òn/  a|ten|zi|on  [FO]

1. s.f. il jessi concentrât in ce che si scolte o in ce che si fâs:  lavorant si dismenteave dai siei pinsîrs, e dute la sô atenzion e jere pal lavôr (Carlo Sgorlon, Prime di sere); torne a leile miôr, cun plui atenzion! (Luciano Rocco, La foghere)
   Sin. concentrazion , impegn , curie² , aplicazion , diligjence , studi
   
   1. capacitât, facoltât di restâ concentrât:  la atenzion volontarie e je une vore impuartante, la educazion scolastiche e je di fat une educazion de atenzion volontarie, come che al veve dit il grant psicolic William James (Franc Fari, Neurosiencis de meditazion)
2. s.f. il jessi concentrât par prevignî consecuencis o efiets negatîfs o pericolôs:  la distinazion de lis vuardiis di campament […] l'è, di impidî che i soldâts no corin fûr del medesim, e di dâ atenzion che nissun suspietôs i sbrissi dentri (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
   Sin. cautele , rivuart¹ , precauzion
   
   1. at che al permet di evitâ un dam, un pericul e v.i.:  una atenzion essenziâl nuia di manco [tal marcjâ], al è di osservâ simpri di tignî lis distancis (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
3. s.f. il jessi interessât, il calcolâ alc interessant:  la cuistion des minorancis linguistichis e cjapà la atenzion di inteletuâi innomenâts (Adrian Cescje, Memoriis di politiche linguistiche)
   Sin. interès
4. s.f. sintiment di afiet:  no vês une peraule dolce par lôr, un segnâl di atenzion, une cjarece (Meni Ucel, Tirâ sù fruts)
5. s.f. spec. tal pl., cure e azion che e pant afiet o buine disposizion par chei altris, cul judâju o fâur plasê:  Dorine, puarete, i stave dongje, e cirive di jessi di confuart cu lis sôs atenzions, ma jê, la vecje, e restave frede e mute come une statue (Pieri Menis, Chei di Muraie); al veve mil atenzions: i mandave il so atendent a puartâi lis rosis, si fermave e i faseve un fregul di inchin cul cjâf par dâi il pas su lis puartis (Roberto Ongaro, Il muc)
   Sin. buinegracie , cortesanie , cortesie , curie¹ , degnevolece , galantarie , premure , rivuart¹ , zentilece
6. s.f. atrazion fisiche, interès sessuâl:  une femine zovine […] ancje biele, cuant che e passave pe strade e dismoveve la sbocjassade atenzion e i pesants compliments di chel forestum di ocupazion (Roberto Ongaro, Il muc)
7. s.f. impegn concret par frontâ un probleme o une situazion:  il comun al tutele e al favorìs il lavôr in dutis lis sôs formis […] cun atenzion particolâr al associazionisim economic, ae cooperazion e al artesanât (Aministrazion Publiche, Statût dal Comun di Udin); dai agns '80 indenant, ancje par vie de crisi di soreproduzion de viticulture europeane, la atenzion dai produtôrs si è spostade di plui sul miorament de cualitât (Enrico Peterlunger, Storie curte de vît in Friûl)
   Sin. impegn , sfuarç
8. s.f. escl. par riclamâ suntun detai, par racomandâ a cdn. di stâ atent o par visâ di un pericul:  atenzion, chi si à di jessi une vore clârs: cuant che si zuie di balon al è agonisim, scuintri fisic… no si zuie di biliart (Christian Romanin, Dino Zoff: «O vin lidrîs buinis, o vin di tignîlis di cont»); atenzion: cjalâ e no tocjâ! (Riedo Pup, Agriest: cjalâ e no tocjâ)
   Sin. ocjo , atent

Polirematichis e espressions idiomatichis

• fâ atenzion loc.v.