Dizionari de Lenghe Furlane

atent  /-ènt/  a|tent  [FO]

1. adi. che si concentre su ce che al à di fâ o su ce che i disin:  al fevelave fis e sô cusine, sentade di front, e steve atente come une scuelarie (Alan Brusini, Come tai romançs); lis sûrs le scoltavin atentis, che jê e veve fat plui scuele di lôr (Maria Forte, La fie çuete)
   Sin. acuart , cjapât , concentrât , curient , cussienziôs , diligjent , fis , intent , meticolôs , precîs , premurôs , impegnât
   Var. tent²
   
   1. che si impegne intal so lavôr o te sô ativitât:  Zuan al jere il plui atent li a ret [tal lavôr de fornâs], che al veve dât, parfin, bogns conseis par miorâ il tiragjo dal cjamin (Maria Forte, La tiere di Lansing); il diretôr […] lu cognòs par jessi une vore atent e curient di no cumbinâ falopis (Adrian Cescje, Memoriis di politiche linguistiche)
      Sin. curient , cussienziôs , diligjent , intent , impegnât , precîs , premurôs
   2. che al dediche timp, impegn, sensibilitât e v.i.:  un mieç di comunicazion viert e atent ae cuistion nazionâl furlane (Max Mauro, Un Friûl difarent: i 90 mhz di Onde Furlane)
   3. che si compuarte cun prudence:  si passave un daûr l'altri e cence cjariis cun se, ma simpri atents a no meti un pît in fal (Pieri Menis, Funerâl a Pâl Piçul)
      Sin. prudent , caut , cautelôs , di sest , a plomp , savi , cussienziôs , sveât
   4. che al è in suspiet, che al note ce che al sucêt e si ten pront a intervignî:  lu cjalave a lavorâ, fer come une mumie, ma cul voli atent che a àn i contadins cuant che a cjalin un che si movi tra lis lôr robis (Carlo Sgorlon, Prime di sere); une cugnade atente e scrusignote che sot sot e orsave la Anzuline e e cjalave cun voi ramondins ogni scansel e ogni armâr, e scuasit ogni pinsîr di cui che i stave tal interès (Maria Forte, Cjase di Dalban)
2. adi. fat cun cure, cun impegn, cun concentrazion e v.i.:  la predisposizion atente di un plan de bataie (Franco Marchetta, Madalene)
   Sin. cussienziôs , fin¹ , meticolôs , precîs , profont , insot
   
   1. caraterizât di precision, justece, ecuilibri e v.i.:  [lis produzions di Musiche Furlane Fuarte a son] un spieli atent di chel che al ven fat in musiche in Friûl in chescj agns (Max Mauro, Un Friûl difarent: i 90 mhz di Onde Furlane)
3. adi. tant che comant o racomandazion par sburtâ a scoltâ, a vê prudence, cure, impegn e v.i.:  atente, Ulive, di no dâ bêçs cence che ti lassi alc di neri sul blanc, …tu mi capissis no mo? (Maria Forte, La tiere di Lansing); planc, fruts, atents di no colâ (Laurin Zuan Nardin, Daringad); atent Toni aes lidrîs di chel miluçâr… no ai voie che si secji, sâstu! (Pieri Menis, Sul agâr)
   Sin. ocjo
4. s.m., inter. [TS] milit. posizion dal militâr che al sta dret in pîts, cul cjâf alt e i braçs drets injù, i talons tacâts tra di lôr e lis pontis dai pîts infûr:  [i mucs] incrosantlu par la strada, a si metevin sul atent e a lu saludavin coma che a si saludin i militârs (Ovidio Colussi, Disfortunis)

Polirematichis e espressions idiomatichis

• stâ atent pe spine e pierdi pal cjalcon loc.v.

Proverbis:

• cui che al à la cjamese scuintiade che al stedi atent che no i colin i bregons