concentrât
con|cen|trât
[CO]
-
p.pass., adi.
viôt concentrâ
, viôt concentrâsi
-
adi.
che si cjate fis, che al è dât dongje intun puest o ancje intune situazion, intun moment e v.i.:
intun paîs piçul tant che la Slovenie a son concentradis 800 speciis di animâi e di plantis endemichis, ven a stâi unichis tal mont (Riccardo De Infanti, La bancje gjenetiche);
il 38% de popolazion e je di etnie pashtun, concentrade te fasse centrâl dal paîs (Carli Pup, Afghanistan martoriât)
-
adi.
di sostance che e à une presince fisse, ancje plui fisse dal normâl, di cierts elements
-
s.m.
sostance che e à une presince fisse, ancje plui fisse dal normâl, di cierts elements, otignude ridusint la percentuâl di aghe o di altre materie:
lis vacjis a mangjin prodots che lôr no son nassudis par mangjâ: concentrâts, insilâts di blave e soie, une volte, prime de epidemie di BSE, ancje farine di cjar (Stefania Garlatti Costa, I cjamps di blave? Un desert ecologjic)
-
s.m.
(fig.)
ce che al da dongje in maniere fisse un ciert element o une schirie di elements, soredut imateriâi:
il libri di Tubie. Un librut che al è dut un concentrât di fede, di sperance, di caritât, di sapience, di spiritualitât, di pedagogjie, di mistiche (Antoni Beline, La man che mi à compagnât)
Sin. struc1
-
adi.
che al met dute la so atenzion e il so impegn in alc:
viôt l'avâr concentrât dut in se stes, / che a spalis del pitoc / al mangje fin il vues (Pieri Çorut, Il Strolic furlan par l'an 1821);
nus zire la schene dut concentrât tal telefon (Alan Brusini, Gian Paolo Linda, I forescj)
-
che al à par ogjet, argoment e v.i. un element precîs o pôcs elements limitats:
un dibatiment concentrât sui temis des politichis statâls e plen di vecjis sflocjis nazionalistichis (Marc Stolf, Tal gnûf PE no son dome i antieuropeiscj. E al è ancje un pôc di Friûl)