struc1
struc
[AF]
-
s.m.
sostance licuide contignude in diviersis parts des plantis e spec. intes pomis, pal solit gjavade fûr strucant:
la gulizion nus da fuarcis: si ingolfìn di spongje, marmelade, cafè, pan neri, crackers integrâi Wasa, struc di naranç (Checo Tam, La maree nere)
Sin. aghe
, sûc
Cfr. most
-
s.m.
(ancje fig.)
azion di strucâ, di strenzi avonde fuart:
ven ca che ti doi un struc
Sin. strucade
, strucon
-
s.m.
sostance, essence, part plui impuartante di une cuistion, di un discors, di un acjadiment:
"Lait indenant" i dîs "e sence pôre vignît al struc de cuistion" (Arturo Feruglio, E se al torne a falâ?!);
noaltris o podìn anticipâ il struc di dutis lis argomentazions che a vignaran predicjadis (Josef Marchet, Il strolic al pronostiche)
Sin. cûr
, vues
, medole
-
s.m.
esposizion sintetiche:
chest al vûl jessi un piçul struc di chei agns che a àn viodût la int dal Friûl Orientâl jentrâ a vive fuarce te storie dal stât talian (Carli Pup, La seconde Irlande)
Sin. riassunt
, sintesi
, sunt
, estrat
, ristret
, sunte