estrat
/-àt/
es|trat
[CO]
-
p.pass., adi.
viôt estrai
-
s.m.
cui che al è sielt par estrazion o cui che al vinç intune lotarie, intune tombule o tun zûc li che si gjavin numars o nons a câs:
[…] doi nominatîfs di riserve, in câs di ireperibilitât o partecipazion iregolâr dai prins estrats (Redazion Lenghe.net, «Vinç une maiute cun Lenghe.net»: prins vincidôrs)
-
s.m.
azion di gjavâ a sorte:
o viôt che tes orelis / cisiche a di un fantat / gjavât al prin estrat (Pieri Çorut, I bagns di Betine)
-
s.m.
struc concentrât otignût di une materie vegjetâl o animâl:
la soluzion di savon e l'estrat di urtie a son utii cuintri i pedoi [des plantis] (Angela Tedeschi, O come ort)
-
s.m.
scrit curt che al presente in sintesi o in selezion i contignûts di un scrit plui lunc:
us proponìn culì un estrat de tesine di Mojca Perkon (Alessio Potocco, Marijan Brecelj. Une laureade de Universitât di Gnove Gurize i dediche un studi a la sô figure)
-
opuscul che al publiche par so cont un scrit za publicât tant che contribût intune opare plui grande:
chest lavôr al vegnarès inserît, in autografie, tal Tesaur de lenghe furlane e un estrat o copie e vegnarès mandade a dutis chês personis che si impegnassin di fâ azontis, corezions, osservazions (Achil Telin, La Patrie Ladine, I, 2)
-
ancje in riferiment no a tescj scrits, ma a regjistrazions audio o video:
il menù dal DVD si complete cuntune sezion di "the best of" cun dentri juste apont dai estrats des intervistis (Redazion il Diari, SunsAtor, a torzeon te culture furlane)