Dizionari de Lenghe Furlane

vues  /-è-/  vues  [FO]

1. s.m. [FO, TS] anat. ognidune des struturis che a formin il scheletri dai vertebrâts:  [i recetôrs dal dolôr] si cjatin sedi inte superficie dal cuarp (piel) sedi in profonditât, vâl a dî a nivel di muscui, tendins, vues e orghins internis (Franc Fari, Neurosiencis dal dolôr); la osteoporosi e je une malatie che e fâs deventâ i vues plui debii (Guglielmo Pitzalis, Ocjo ai vues!)
2. s.m. chê part di un animâl macelât, doprade tant che ingredient o tant che materiâl:  i « risi e bisi» si fasin cul pestât di savôrs e cualchi fuee di fenoli. A vegnin cuets tal brût di vues (Arturo Feruglio, Viaç a Vignesie); al ven sù, cualchi volte, […] il cramar di Sclavanie cul caroçon e il mus. […] "Vues, peçots! Feminis…" al clame; e al vent creps di massarie, guselis, fîl, curdele… (Dino Virgili, La aghe da pît la cleve); lis mostacjis e la barbe grisis che par altri al tignive simpri netis e petenadis cul pietin di vues (Pieri Somede dai Marcs, Il gno prin mestri)
3. s.m. (scherç.) tal pl., cuarp uman, persone:  cetant che e veve lavorât [sô mari] par tirâ sù chei cuatri vues! (Roberto Ongaro, Il muc); frutats […] che no jentrin in cjase altri che par parâ jù la bocjade o par distirâ i vues tal lodar (Josef Marchet, Lis predicjis dal muini); ce pôc che i sin, Signôr, / un grumut di vues / vuê fueas / e doman foiêt (Giorgio Ferigo, Lisuta)
   
   1. (fig.) part profonde, istintive di une persone:  al si sintive tai vues la pôre dal doman, e al si sfuarçave di parâle vie (Carlo Sgorlon, Prime di sere)
4. s.m. tal pl., rescj di un muart:  jo e gno cusin si cjatarin tal cimitieri par viodi la esumazion dai vues dal nono, muart tai agns '50 (Checo Tam, Sic transit gloria mundi)
5. s.m. persone o situazion che a presentin elements dificii di risolvi:  al è un vues, ma o soi rivât a convincilu
   Sin. vues dûr , vues dûr di roseâ
   
   1. element dificil:  ogni mistîr al à il so vues (Giorgio Faggin, Vocabolario della Lingua Friulana)
6. s.m. (fig.) in espressions che a vuelin rimarcâ la magrece di une persone o di une bestie:  sot de coltre si induvinave un cuarp ridusût al vues (Gianni Gregoricchio, Trê feminis); ma ti cjalistu mai tal spieli? Tu sês un vues che al cjamine! (Stiefin Morat, Kebar krossè)
   Sin. bachet
7. s.m. (fig.) pont plui impuartant:  cirî di frontâ il vues de cuistion
   Sin. medole
8. s.m. semence dure di une pome:  il vues di un armelin; i vues des cjariesiis; [l'arbul di Argan] al cres dome in Maroc, li che i oms a doprin, par fâ un vueli, i vues des sôs pomis (Erika Adami, Esisti par resisti)
   Sin. sepe² , semence

Polirematichis e espressions idiomatichis

• cence spine ni vues loc.adi.inv.
• cence vues loc.adi.inv.
• di cjar e di vues loc.adi.inv.
• distirâ i vues loc.v.
• in cjar e in vues loc.adi.inv.
• in cjar e vues loc.adi.inv.
• medole dai vues loc.s.f.
• medole di vues loc.s.f.
• meti i vues in rie loc.v.
• meti il vues su la belance loc.v.
• molâ il vues loc.v.
• no jessi ni spine ni vues loc.v.
• poiâ i vues loc.v.
• rompi i vues loc.v.
• rompisi i vues loc.v.
• vues dûr loc.s.m.
• vues dûr di roseâ loc.s.m.
• vues rabiôs loc.s.m.
• vues raibôs loc.s.m.
• vues ribôs loc.s.m.

Proverbis:

• a stâ dibant no si romp i vues
• cui che al à mangjât la polpe che al mangji ancje i vues
• dulà che a van lis çoris a son vuessats
• il bon non al ingrasse i vues
• il lat nol ven dai vues
• il mâl no i cuince i vues a dinissun
• la buine fame a ingrasse i vues
• la lenghe no à vues ma ju fâs rompi
• la lenghe no à vues ma si fâs dâ sul dues
• la lenghe no à vues ma tant e cûs e e ponç
• la lenghe no à vues ni ponte ma tant e taie e a cûs
• la miôr cjar e je chê ator dal vues
• no je cjar cence vues
• ogni vues a so sît
• piçulis o grandis, lis patatis no àn vues