Dizionari de Lenghe Furlane

medole  /-ò-/  me|do|le  [AF]

1. s.f. [TS] anat., becj. tiessût tenar che al è dentri tai vues, cu la funzion di produsi globui blancs, globui ros e placutis dal sanc:  la medole di purcit si doprave par curâ lis pachis
   Sin. medole di vues , medole dai vues
   Var. meole , meule , mevole , midole , miduele
   
   1. viôt medole de schene :  a vevin patide une lesion de medole (Gloria Angeli, Il Strolic furlan pal 2012)
2. s.f. [AF, TS] bot., marang. tiessût tenar che al è tal mieç di un fust:  o vin stentât a fâ lis astis cun chei penâi di cjanusse par vie che il penin impirât fra la scusse e la medole al clopave (Pieri Somede dai Marcs, Il gno prin mestri)
3. s.f. (fig.) part plui profonde de persone:  il misteir a i era zût drenti fin ta li medoli e al lu veva segnât didrenti e difour (Novella Cantarutti, Il Crist sclagn); un mont che, magari cussì no, cumò nol esist plui ma che, ancje in gracie di chei moments, lu ai dentri te medole (Diego Navarria, La misure dal salam)
   Sin. medole dai vuesi , cûr
4. s.f. (fig.) part plui impuartante:  no rivave a comprendi la medole de situazion (Galliano De Agostini, Leandri); la «regjon» […] no varà mai chel velen, o chês ambizions imperialistichis che e formin la medole dal nazionalisim (Josef Marchet, Europe regjonaliste)
   Sin. cûr , fîl de schene , nusel , schene , vues
5. s.f. (fig.) fuarce o inclinazion di caratar:  soldâts cence ideâi e cence medole (Checo Tam, La vuere di Checo)
   Sin. gnerf , snait , caratar , cûr

Polirematichis e espressions idiomatichis

• medole dai vues loc.s.f.
• medole de schene loc.s.f.
• medole di vues loc.s.f.