Dizionari de Lenghe Furlane

snait  /-à-/  snait  [CO]

1. s.m. sveltece e energjie tal fâ lis robis, tal movisi o ancje tal pensâ, tal fevelâ e v.i.:  «La Fiorine» al continuà il vecjo «e à fat simpri dut di so cjâf, e e varès fat miôr a cjoli un cun mancul bardele e plui snait pe famee… Un, cun plui caratar almancul […]» (Maria Forte, La tiere di Lansing); la int e nasave a colp la situazion e se e veve un frut di snait lu mandave dal mestri just (Riedo Pup, I furlans e il mestri)
   Sin. slanç , vite , vivece , vivôr , boreç , estri , morbeç , morbin , spirt , vivacitât
   Var. snaip , snai
2. s.m. il savê fâ alc ben:  propit chi, par cui che al capìs, a vegnin in lûs, di une bande il snait e la abilitât dal politic e di chê altre il pês e il spessôr dal statist (Riedo Pup, La Comission de miserie)
   Sin. art , braùre , bravece , bravetât , classe , çucje , destrece , estri , maestrie , man , mistîr , perizie , scuele , sgrimie , talent , vene¹ , capacitât
3. s.m. umôr just par fâ alc:  cence discori po des oparis che plui di cualchi volte al jere stât a viodi te colombere de Fenice. Se al jere di snait bon al intonave une romanze tenebrose come «Odo l'orme dei tuoi passi» (Alan Brusini, Come tai romançs)
   Sin. estri , ande