Dizionari de Lenghe Furlane

ande  an|de  [FO]

1. s.f. il cjaminâ o la maniere di cjaminâ:  doi pelegrins a viazavin cun ande strache (Josef Cjargnel, Il Lâc di Cjavaç)
   Sin. cjaminâ , cjaminade , lâ , pas
2. s.f. moviment par lâ indevant:  al montà sù a cjoli la pale par splanâ un pôc devant des ruedis par che il cjar al cjapàs ande (Dino Virgili, Il cjaradôr des animis); e tacà a sburtâ cun plui ande sui pedâi (Gianni Gregoricchio, Trê feminis)
   Sin. sburt , snait , imburide , slanç , moviment
   
   1. linie che si cjape par lâ indevant:  dilunc lis tôs cretis, Osôf dulà che [il Tiliment] al scor cu lis sôs andis, e Ruvigne e je a piche parsore da la aghe (Dino Virgili, La vilote dal Tiliment)
3. s.f. ritmi tal fâ lis robis:  la man blancje di cjalcine e zonte clap su clap, modon su modon cuntune ande sigure e seguitive (Dino Virgili, La aghe da pît la cleve)
4. s.f. maniere di fâ e di compuartâsi:  al da di ca il so spirt vivarôs cun tante di ande compagnone e industriose (Ivano Urli, Storie di Vera); ancje tu tu cjapis di chês andis che a fasin tremâ il mont (Josef Marchet, Lis predicjis dal muini)
   Sin. ategjament , disposizion , mût , maniere
   
   1. compuartament, ûs, robe che si fâs:  Michêl al veve cjapade la ande di lâ ogni domenie tor la une dopomisdì in cjase di gno barbe Grispi (Meni Ucel, I macarons)
5. s.f. mût di fâ supierbeôs:  cugnâts vedrans, bogns di nuie e plens di ande (Josef Marchet, Lis predicjis dal muini)
   Sin. aiar¹ , ombre , mierde , scaghe , pofardie , supierbie , albasie , prepotence , paronance , ale
6. s.f. maniere di lâ indenant, di sucedi, massime in sens negatîf:  a bastarin pocjis cjochis e la sô vite di ogni dì e cjapà une ande balorde, condizionade da la sêt e de brame di distudâle (Amedeo Giacomini, Tal ospedâl)
   Sin. plee , tren
7. s.f. (fig.) espression, aspiet:  une ande sigure di om che al sa ce che al vûl (Alan Brusini, Par stradis lungjis); i militârs a domandavin lis cjartis cun ande decidude (Agnul di Spere, Messe di misdì a Varsavie)
   Sin. arie¹ , aspiet¹
   
   1. forme, linie:  i complès si disponin a triangul, daûr la ande dal triangul dai frontons (Adrian Cescje, Viaç aes origjins dal Logos)
8. s.f. (fig.) caratar, struture o forme di un scrit, di un discors, di une musiche, di une rapresentazion artistiche e v.i.:  lis figuris a àn une ande di artefat, espressions di maniere (Giovanni Battauz, Flavio Cossar, Renato Iacumin, I mosaics de basiliche di Aquilee); di rare violence chest articul se cjape, naturâl, pe grafie e pal furlan ma al à une ande delatorie e al pant une asse, soredut antislovene, velenose (Donato Toffoli, Il lunari mai jessût - Tellini te prime vuere mondiâl)
   Sin. caratar , fate , sorte , gjenar , stîl¹ , forme
9. s.f. dinamiche, maniere di lâ indenant:  pierdisi cuntune ande dal 1% ad an (Linda Picco, Ricercje su la condizion sociolenghistiche dal furlan)
   Sin. disvilup , evoluzion , plee , procediment , procès , svilup , tindince

Polirematichis e espressions idiomatichis

• a dute ande loc.av.
• a la ande loc.av.
• dâ la ande loc.v.
• dâsi ande loc.v.
• su la ande di loc.prep.