gjenar
/-è-/
gje|nar
[FO]
-
s.m.
complès concetuâl di cjossis o individuis che a àn carateristichis in comun:
ogni tant li al salte fûr cualchi imprest celtic dal gjenar di chei di La Tène (Josef Marchet, Cuintristorie dal Friûl fin sot la Italie);
lis personalitâts plui in viste dal Friûl (linguiscj, storics, economiscj, studiôs di ogni gjenar, artiscj […]) (Josef Marchet, Cuarde e savon);
cumò che al veve une cjamare, un lavôr, che nol veve grandis preocupazions materiâls, al veve dentri une spine di altri gjenar (Carlo Sgorlon, Prime di sere)
Sin. sorte
, cualitât
, forme
, gjernazie
, ordin
, specie
, stîl1
, tip
, varietât
, fate
-
s.m.
filos.
te filosofie antighe e de Ete di Mieç, categorie di ogjets cun carateristichis in comun, diferents par carateristichis secondariis
-
te scolastiche, un dai universâi, intune cu la specie
-
s.m.
biol., bot., zool.
categorie sistematiche superiôr de specie e inferiôr de famee:
il non dal gjenar botanic [dal sclopit, Silene vulgaris] al ven fûr di Silenus, acompagnadôr cjoc di Bac (Giorgio Pascoli, Il Litum: jerbis salvadiis te cusine)
-
s.m.
forme di espression, categorie che e cjape dentri oparis artistichis cu lis stessis carateristichis:
la musiche furlane e tocje ducj i gjenars: la cjançon di autôr, l'etno folk-rock, il jazz e lis plui gnovis tindincis rock, rap e eletronichis (Donato Toffoli, Relazion dal Grup di lavôr "Planificazion linguistiche")
-
s.m.
robe che e ven produsude, vendude, comprade:
Carmine al jere su la cjase di Macorit, al veve buteghe di ducj i gjenars e l'apalt (Dino Virgili, La aghe da pît la cleve);
co si va te buteghe, si poie jù la cjarte di cent sul banc e si cjape sù il gjenar e, magari, si spiete ce che al ven indaûr di becins (Josef Marchet, Lis predicjis dal muini)
Sin. ben
, prodot
, marcjanzie
-
s.m.
il fat di jessi un individui masculin o feminin:
lis feminis che a partegnin a di une comunitât minorizade si cjatin a vivi doi nivei di opression: nazionâl e di gjenar (Carli Pup, Teritoris - Oms di Libertât)
-
complès dai individuis masculins o di chei feminins:
i rescj cuasi dal dut intîrs di Lucy a permetin di capî detais une vore impuartants su la evoluzion umane, in particolâr pal gjenar feminin (Claudio Tuniz, Evoluzion umane: la sience e mostre i segrets des nestris origjins)
-
s.m.
[TS]
gram., ling.
categorie presinte in diviersis fameis linguistichis che e met in oposizion nons, pronons, adietîfs in masculins e feminins o ancje neutris:
il talian in pratiche nol à morfologjie pe declinazion (formalmentri al ten par so cont par nons e adietîfs dome il numar e il gjenar) (Vladimír Petkevič, trad. di Zorç Cadorin, Corpus linguistics)
Polirematichis e espressions idiomatichis
Proverbis:
- al vûl un dal art a stimâ il gjenar