fate
fa|te
[FO]
-
s.f.
maniere di jessi o di jessi fat:
par une «riscosse» cu lis armis, la Italie e scugnarès pensâ di fabricâ bombis atomichis e striaments di gnove fate (Josef Marchet, No si à di judicâ il passât cu la mentalitât di cumò);
i componiments [di Otmar Mainardis] a jerin di fate dal dut gnove pe leterature furlane (Sandri Carrozzo, Otmar Mainardis);
a saludarin il president de Confederazion e i conseîrs tune fate calorose (Agnul di Spere, Un sorbet di limon)
Sin. aspiet1
, forme
, ande
, implant
-
s.f.
pussibilitât di rivâ a un ciert obietîf:
cjatâ la fate di gramolâsi alc di bon (Alan Brusini, Come tai romançs);
salacor e jere propit chê la fate par meti alc de bande, e procurâsi un mistîr sigûr e indipendent (Carlo Sgorlon, Prime di sere);
Fidrì Job al ve la fate di cjalâ in dutis lis pleis des sôs pôris (Agnul di Spere, La pôre di Fidrì Job)
Sin. mût
, maniere
, ocasion
, pussibilitât
, dret
-
s.f.
complès di robis o di personis cun carateristichis che lis diferenziin di altris:
par sigûr cheste lenghe e veve une declinazion bicasuâl, de fate di chê che si le cognòs tal francês di une volte (Zorç Cadorin, Cualchi ipotesi sul furlan di prin di scrivilu);
lis meditazions di fate budiste a mostrin une ativazion dal lobi frontâl […] colegât soredut cu lis funzions di atenzion volontarie e di inibizion dal compuartament (Franc Fari, Neurosiencis de meditazion)
Sin. cualitât
, gjenar
, gjernazie
, raze2
, sclibe
, sorte
, specie
, tai
, stamp
, vualece
-
cun sens sotintindût o che si capìs dal contest o in espressions indefinidis:
no vuei crodi che trê zovenots de vuestre fate si spietin che nô si ledi a riscjâ la vite (Roberto Ongaro, Il muc);
un grum di peteçs di ogni fate si fasevin sul so cont (Pieri Somede dai Marcs, Nardon e Vigjute di Nani);
un an di chê fate al jere stât lunc di gloti, e al veve lassât tantis feridis (Maria Forte, Cjase di Dalban)
Proverbis:
- la robe fate di rif e di raf, a va di buf e di baf