stamp
stamp
[AF]
-
s.m.
ogjet cuntune cierte forme che al covente par fâ prodots ducj compagns o plui o mancul compagns, par pression, impression, stampe, fusion, colade, tai o altris tecnichis:
i mulats si scanavin a butâ jù e tirâ placis di modons nassûts tes sôs mans, a slargjâ savalon su la pleche, a netâi il stamp, a tornâjal vueit (Dino Virgili, La aghe da pît la cleve);
sui mûrs, cuntun stamp a vevin piturade la sesule e il martiel cul colôr ros (Alan Brusini, Par stradis lungjis)
Cfr. forme
-
contignidôr par robe di mangjâ, di meti tal for o di disfredâ, di mût che e vegni fûr cuntune cierte forme:
ca e là picjâts cualchi stamp di budin e cualchi caçarole di ram: dut al è lustri (Pieri Somede dai Marcs, Il prossim)
-
s.m.
forme o segn restât suntune superficie par vie di alc che al à fat une cierte pression:
lassâ il stamp dai pîts tal pantan (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Sin. olme
, ferade
, segn
-
(fig.)
efiet che al reste, che al è consecuence di alc:
cuant che il toscan al jessì dai paîs dulà che al veve lis sôs lidrîs, al jessì par opare di int inscuelade fuart, di leterâts, che i àn lassât il stamp de lôr culture e de lôr scuele (Josef Marchet, Lenghe e lenghis in Italie)
-
s.m.
(ancje fig.)
forme o ancje concet di riferiment:
Mafalde e jere une femine biele, po stâi plui biele di Jole, che fintremai cumò e jere stade par me il stamp de bielece (Carlo Sgorlon, Il dolfin);
o sin fats sul stamp di Diu (Francesc Placerean, Crist resurît al colme dute la sperance dal om)
Sin. model
, stampe
-
maniere di jessi, di fâ, di compuartâsi, di sucedi e v.i.:
si insedà in cjase un vivi di altri stamp (Maria Forte, Cjase di Dalban)
Sin. fate
, sorte
, naie
, gjernazie
, ande
, mût
, maniere
, mode
, stampe
, implant
-
s.m.
(fig.)
persone particolâr:
al cjantave ce che al podeve, cuntune vôs di alt che al jere ancje un plasê il sintîlu. Al jere propit un biel stamp (Pieri Somede dai Marcs, Spacecjamin);
"Ce stamp di omp!… Eh sì, sì, un pôc stramp al devi sei e ancje mistereôs…" (Maria Forte, La tiere di Lansing)
Sin. magle
-
s.m.
(fig.)
presince o cuantitât piçule, sedi di alc di materiâl che di imateriâl, spec. in espressions negativis cun valôr iperbolic:
stant la scjarsetât di benzine, di automobii e di camions nancje il stamp (Gianni Gregoricchio, Trê feminis);
se di autonomiscj a 'ndi è restât ancjemò il stamp, si po pensâ di metisi a lavorâ par un gnûf moviment autonomistic (Roberto Iacovissi, Par vignî fûr de minoritât politiche)
Sin. ombre
, olme
Cfr. fotografie
Polirematichis e espressions idiomatichis
