Dizionari de Lenghe Furlane

stampe  stam|pe  [FO]

1. s.f. tecniche che e permet di riprodusi su cjarte o altri materiâl un numar cence limit di copiis di scrits, dissens, fotografiis imprimûts su la matriç:  deventadis lis tecnichis memoreativis aromai inutilis daspò de invenzion de stampe, i problemis de classificazion a si trasferivin al univiers dai libris (Mario Turello, Il brevet)
   
   1. complès di operazions che a permetin chest gjenar di riproduzion:  o stei daûr a dutis lis fasis di preparazion dai volums fint ae stampe (Adrian Cescje, Memoriis di politiche linguistiche)
   2. risultât di chest gjenar di riproduzion:  la tipografie di Sant Lazar, uniche in Europe, e stampave i tescj liturgjics e lis stampis di devozion par ducj i munistîrs dal Medi Orient cristian (Pierluigi Visintin, Friûl e furlans te Histoire de ma vie di Giacomo Casanova)
   3. imagjin artistiche riprodusude cun chê tecniche:  arint, cristalarie, cuadris, stampis di valôr (Carlo Sgorlon, Ombris tal infinît); "E chê biele stampe cuntune place di citât, ce rapresentie, siore parone?" (Checo Tam, La maree nere)
2. s.f. [TS] inform. riproduzion di un file su la cjarte cuntune stampante, o ancje in formât pdf cu lis stessis carateristichis che si viodaressin su la cjarte
   Sin. stampade ipon.
3. s.f. il complès di gjornâi, periodics, rivistis e v.i.:  la notizie comparide su la stampe no je stade afat clare (Riedo Pup, Pantianis di cjase e gjats di fûr vie); al è fals ce che la stampe e ancje la radio a van disint, che nô o fasìn di bessôi. No! O vin bisugne di ducj (Francesc Placerean, Il Friûl taramotât al à bisugne di ducj, ma al à di aministrâsi di bessôl)
   Sin. gjornâi , gjornalisim
   
   1. il complès dai gjornaliscj:  la stampe e varès scrit pagjinis interiis par inmotivâ il fat che il tunel tal 1970 si veve calcolât che al costàs tresinte milions di francs, e insom si jerin inacuarts che des cassis a 'nd jere partîts dibot sietcent (Agnul di Spere, Fieste di inaugurazion)
4. s.f. impression di dissens a colôrs o in rilêf su diviers materiâi, pal plui par decorazion:  une tele cuntune stampe a rosis
5. s.f. [TS] fotogr. procès di proiezion di un negatîf su cjarte sensibile
   
   1. copie positive su cjarte
6. s.f. segn lassât de pression o dal colôr di alc:  segnacul particolâr di ricognossiment di chest Asquini Domenico e je la stampe de cuarde tal cuel [che lu vevin picjât ma la cuarde si jere rote] (Ivano Urli, Storie di Min); «Mi tocje partî, Leni» i disè Zuan, une sere, strenzintle a fuart tor di se come par lassâi la stampe des sôs cjarecis (Maria Forte, La tiere di Lansing)
   Sin. segn , olme , stamp
   
   1. (fig.) segn, efiet, influence lassât ta la anime o in astrat:  chê passion e jere jentrade fuarte, ancje tes sôs venis, cuntune stampe di puartâ dute la vite e plui inlà (Maria Forte, Cjase di Dalban)
7. s.f. (fig.) categorie di elements o personis che a son o che a somein fatis insiemi, che a àn carateristichis in comun:  cumò no si trate plui di idealiscj unitaris, di patriots de stampe viere: si trate di interès politics, industriâi, economics (Josef Marchet, La ore decisive); pre Livigji Paschin, capelan de borgade, un vêr cjargnel di stampe antighe (Osiride Secco dai Juris, Lis antighis sagris di Tarcint)
   Sin. fate , sorte , raze² , stamp , gjenar , implant

Polirematichis e espressions idiomatichis

• nancje la stampe loc.av., loc.adi.inv.
• pierdisi la stampe loc.