implant
/-ànt/
im|plant
[FO]
-
s.m.
complès di operazions, spec. des primis, che a coventin par meti sù un materiâl, une struture, un aparât e v.i.:
daûr l'implant, la cjase a someave grande. I mûrs a rivavin za al plan des cjamaris (Maria Forte, La tiere di Lansing);
"Sâstu che cumò a usin a meti lis slavaris tai parêts e par tiere, intal bagn?" "Po no vuelistu che o sepi? O sin stâts, jo e mestri Pieri, a fâ l'implant là dal miedi!" (Roberto Ongaro, Il muc)
-
s.m.
complès di operazions par tacâ une ativitât:
spesis di implant di une dite;
l'implant di une colonie latine a Aquilee al jentre tal cuadri de politiche cuintriceltiche che Rome e stave fasint in chei agn (Josef Marchet, Cuintristorie dal Friûl fin sot la Italie)
Sin. costituzion
, fondazion
, inviament
, metude in vore
-
s.m.
aparât che al covente par une cierte funzion:
o varai di meti a puest chel maledet implant eletric (Checo Tam, Random 1)
-
s.m.
complès dai edificis destinâts ae produzion o trasformazion di bens industriâi:
implants di produzion e manutenzion dai armaments (Alessandro Pascolini, Un mont cence armis nucleârs. Sfidis sientifichis e tecnologjichis);
[Linùs] al tornà in Patrie tacant cui prins implants di filadure e tiessidure dal lin a Mueç e a Tumieç (Erika Adami, Cjargne, tiere di tiessidôrs)
Sin. fabriche
, sisteme
, struture
-
s.m.
[TS]
agr.
complès di struturis o estension di tiere cun struturis par dâ un ciert prodot agricul:
a mancjin lis vîts, lis cjarandis e i implants che a coventin: i canâi a son fats cence criteri (Adrian Cescje, Liniis di storie sociâl e economiche dal Friûl 1500 - 1800);
il vêr agricoltôr / cuant che al fâs un implant lu fâs di cûr, / al pense pal presint e pal futûr (Pieri Çorut, I morârs)
Sin. implantision
, plantision
-
s.m.
[TS]
med.
il meti une struture artificiâl par sostituî un orghin o une part:
se si à gjavât un dint o se si à fat un implant [di un dint artificiâl], si pues donâ [sanc] 7 dîs dopo (AAVV, ABC DONA! Guide pratiche ae donazion di sanc e emocomponents)
-
struture artificiâl metude tal puest di un orghin o di une part:
si è rot il femur e a àn vût di metii un implant di titani
-
s.m.
[TS]
biol.
il fissâsi dal ûf fecondât te mucose dal utar
-
s.m.
[TS]
embriol.
tiessût o inviament embrionâl o orghin insedât intune sede o intune posizion anormâl
-
s.m.
(fig.)
struture fondamentâl che e ten sù alc:
l'aprendiment e l'insegnament dal furlan a son metûts dentri di un percors educatîf plurilengâl/multilengâl su la fonde di un implant juridic (Donato Toffoli, Relazion dal Grup di lavôr "Planificazion linguistiche");
l'implant tecnocratic e burocratic al nas par frontâ la complessitât de societât moderne (Fabian Ros, La invenzion dal stât)
Sin. armadure
, impostazion
, organizazion
, struture
, telâr
, tressadure
, fonde
, base
-
s.m.
(fig.)
ordin tal fâ lis robis e tal vivi, fuarce morâl:
int di sest, zoventût che e promet ben, frutats plens di implant (Josef Marchet, Lis predicjis dal muini)
-
s.m.
(fig.)
categorie di elements, robis, personis che si somein tra di lôr par cualchi caratar:
il gnûf Ream di Italie al è nassût e al è restât di implant conservadôr e reazionari (Sandri Carrozzo, La colonie)
Sin. fate
, gjenar
, raze2
, sorte
-
s.m.
(fig.)
mût di fâ lis robis:
mi plâs un mont l'implant del dì di vuê / di fâ chescj matrimonis di famee (Pieri Çorut, I matrimonis di famee)
-
s.m.
(fig., ancje scherç.)
persone, robe, situazion e v.i. caraterizade di une cierte maniere di jessi o di fâ, dispès negative:
denant di un tâl implant [une vuardie che ur improibive di sunâ serenadis] Rinaldo e gno fradi Panzete si voltin e a van vie (Meni Ucel, Sunadis);
soi tun biel implant, nol è ce dî (Luigi Gortani, Meni Fari);
ma cjale tu ce implant di om! Al à di vê simpri reson lui
-
s.m.
(fig.)
idee, resonament o sisteme, par otignî ce che si vûl, ancje in maniere no corete, no oneste, cence une justificazion reâl e v.i.:
un becjâr che al vîf di implants (Pieri Çorut, La vacje);
ma ai mateât dibant [par fâ rapresentâ il spetacul]: / za savês che i cjantants / e cjatin mil implants (Pieri Çorut, Un spartît pal marcjât)
Sin. pensade
, cjatade
Cfr. scuse
, cuistion
, cantin