fabriche
/fà-/
fa|bri|che
[FO]
-
s.f.
implant di produzion industriâl:
Guglielmo Delser e i siei fradis a screin la fabriche di biscotuts, tal 1893 (Elio Varutti, Il Risorziment a Martignà);
cjalait chê fabriche, i siei capanons di veri a sflandorin a la lûs dal soreli, al è il capitâl, chel capitâl che in cualunche maniere e sot cualunche non, no si podarà mai dissipâ (Pieri Somede dai Marcs, Un pugn di moscjis);
gno pari al fâs il saldadôr intune vecje fabriche, dulà che a son cragne, fum e pôcs bêçs (AAVV, Sul florî)
Sin. implant
, industrie
, lusine
, stabiliment
, manifature
Var. frabiche
-
(ancje fig.)
persone o struture che e furnìs alc cun bondance:
i partîts a son une "fabriche di vôts" (Josef Marchet, O blanc o neri);
il vescul al è dut afanôs pe fabriche dai predis che a riscje di sierâsi e al va ator pe diocesi a fâ propagande (Antoni Beline, Sclariments)
Sin. farie
, risultive
, poç
, miniere
-
s.f.
costruzion, soredut grande:
o pues rimirâ a bocje viarte, come i ocats, cheste frabiche [il palaç ducâl di Vignesie] che e rapresente une des maraveis dal universo (Arturo Feruglio, Viaç a Vignesie);
chista puora citât [Aquilee] al fo tormentada; cui gji de il sachegjo, cui la brusà, cui dirocà lis fabrichis plui bielis e plui ricjis (Federigo Comelli, Il me paîs)
Sin. costruzion
, imobil
, lûc
, sît
, edifici
-
s.f.
lavôr par fâ sù une grande costruzion, pal solit religjose o publiche:
nol fo indificil par chel muredôr - che o varês za nasât che al jere Cudicj! - meti sù la fabriche [pal puint a Cividât] (Josef Cjargnel, Il puint dal Diaul);
la basiliche de Sagrada Familia, une fabriche scomençade tal 1884 e no san nancje cuant che e finirà (Antoni Beline, Sant Jacum, là che al finìs il mont)
Sin. cantîr
-
s.f.
[TS]
dir.can.
struture materiâl di une canoniche, glesie o di altri lûc sacri
-
conservazion e manutenzion di un lûc sacri
-
s.f.
[TS]
stor.
tasse o opare obleade, cu la finalitât di tirâ sù un edifici di interès public
Proverbis:
- al vûl un brâf mestri a stimâ une fabriche
- bisugne sei da la art par stimâ une fabriche
- dut si fâs pe fabriche dal pitic
- par decidi di une fabriche al vûl un mestri