costruzion
/-òn/
cos|tru|zi|on
[FO]
-
s.f.
ativitât dal fâ cun procediments complès e soredut dal fâ oparis di edilizie, inzegnarie, viabilitât e v.i.:
te costruzion de glesie di Sant Francesc de Vigne al ve une part significative Francesco Zorzi, autôr dal De harmonia mundi (Mario Turello, Il brevet);
leçs locâls e nazionâls par regolâ la costruzion di fabrichis e i sistemis di riscjaldament (Daniele Goi, Dario Bianchini Giaiotti, Fulvio Stel, Modelistiche numeriche pe valutazion e gjestion de cualitât dal aiar);
la capacitât di ricuardâ il passât e di imagjinâ il futûr e je ae fonde di diviersis abilitâts cognitivis tipichis dai oms, come la costruzion di imprescj e la abilitât di contâ storiis (Franc Fari, Neurosiencis dal dolôr);
al podè acetâ la ufierte di une societât triestine di direzi la costruzion de ferade Nabresine - Triest (Giovanni Pillinini, Zuan Batiste Cavedalis - Une vite esemplâr)
Sin. edificazion
, erezion
, fabricazion
, fabriche
-
s.f.
opare edilizie o di inzegnarie o sim.:
de vecje e grande vile fate sù par antîc, si jerin salvadis lis fondis, sfodradis di urtiis e di baraçs, e une part di costruzion basse e strete, lis stalis (Franca Mainardis, A ôr dal flum);
dutis lis costruzions a jerin di un colôr ros modon, un pôc smavît dal timp (Carlo Sgorlon, Il dolfin);
dopo un pâr di agns, co al finì il cors, al veve cuistât une buine cognossince dai stîi des costruzions (Lucio Perès, Il mâl dal mûr)
Sin. cjasament ipon.
, cjase ipon.
, edifici
, lûc ipon.
, palaç ipon.
, stabil
-
s.f.
zûc par fruts fat di piçui tocuts di len, plastiche o fier, di plui colôrs e doprâts par creâ modeluts, massime di edificis:
il piçul Tunin al jere fer devant di chê grande costruzion fate cui modonuts Lego (Checo Tam, Il palaç)
-
s.f.
gram., ling.
disposizion dai plui elements di une proposizion o di une frase:
un esempli di ricercje di une costruzion sintatiche interessante pe lenghe furlane, ven a stâi "daûr a" + infinît (Sandri Carrozzo, Franz Feregot, La elaborazion di un corpus etichetât de lenghe furlane scrite: esperiments e prospetivis)
-
s.f.
(fig.)
il meti dongje alc di astrat e il so risultât:
al è in bulidure il dibatiment in cont de costruzion de Europe (Marc Stolf, Corsiche, Scozie, paîs Basc, Catalogne, Friûl… Europe);
il concet di se al è une costruzion dal cerviel (Franc Fari, La evoluzion dal çurviel e de cussience tai vertebrâts)
