Dizionari de Lenghe Furlane

stabil  /-à-/  sta|bil  [FO]

1. adi. che no si môf, che nol piert l'ecuilibri, che al reste fer:  se al fasi ben o mâl; / se al sedi mobil, stabil, / invisibil, palpabil; / se al sei tener o dûr, / se al fasi lûs o scûr; / nissun lu à mai sintût (Pieri Çorut, Il cjossul di siôr Toni)
   Sin. fer , salt²
2. adi. che al dure tal timp:  lis fuarcis produtivis a dominin la societât, le cjapin dentri interie e in forme difondude, il svilup al devente cundizion stabile e normâl (Adrian Cescje, Memoriis di politiche linguistiche); la int e pensave che la fam, pai puars, e fos une cundizion umane normâl e stabile (Riedo Pup, I furlans e la fam)
   Sin. costant , definitîf , fis , permanent
3. adi. che al reste costant, che al à pocjis variazions:  la justizie no po jessi ni arbitrarie ni libare, e scuen cjalâ nome il dirit, e scuen jessi guviernade di une leç fondamentâl, stabile, resonade, sapiente (Josef Marchet, Cirî la caritât); i puartadôrs di cjarie de sostance eletronegative donadore D (eletrons) o eletropositive acetore A (busis), […] a mantegnin un cjamp eletric stabil (Lorenzo Marcolini, Lis celis organichis nanostruturadis)
   Sin. costant , ecuilibrât , perseverant , salt²
4. adi. che al vîf o che al lavore cun regolaritât o in maniere definitive intun ciert puest:  al è di dî che, tal gno paîs, no vin un predi stabil (AAVV, Sul florî); [la ARLeF] cjamade di compits ancje impropris, e je stade e e je inmò segnade di dificoltâts gruessis sul plan de dotazion di personâl stabil (Donato Toffoli, Relazion dal Grup di lavôr "Planificazion linguistiche"); "Vivial a Rome aromai stabil?" (Christian Romanin, Dino Zoff: «O vin lidrîs buinis, o vin di tignîlis di cont»)
5. adi. [TS] meteor. di cundizion meteorologjiche, cence perturbazions:  [cuntun bloc anticiclonic] la atmosfere e je une vore stabile di Istât, il timp al pues jessi sec e une vore cjalt, cun pocjis pussibilitâts di temporâi (Stefano Micheletti, Marcellino Salvador, Notis di meteorologjie pal Friûl - Vignesie Julie)
6. adi. [TS] chim., fis. che nol à procès di decjadiment radioatîf:  la comission di sigurece nucleâr (NSC) e à racomandât aes autoritâts locâls di fâ cjoli aes personis evacuadis […] jodi stabil par prevignî la ingjestion (par esempli cul lat) di jodi-131 (Alessandro Pascolini, Il disastri de centrâl nucleâr di Fukushima Dai-ichi)
7. s.m. edifici, costruzion:  o vevi cjatade subit la sô cjase. Un stabil mingul di piere grise, cul so broili denant (Alan Brusini, Gian Paolo Linda, I forescj); dut, ma dut, stabii, mobii e furniments di cjase, done Cheche, ju lassave ai puars (Pieri Menis, Il tesaur di done Cheche)
   Sin. costruzion , fabricât , fabriche , imobil iper. , ben imobil iper. , edifici

Polirematichis e espressions idiomatichis

• a stabil loc.av.
• in plante stabil loc.av.
• in plante stabile loc.av.