ecuilibrât
e|cui|li|brât
[AF]
-
p.pass., adi.
viôt ecuilibrâ
, viôt ecuilibrâsi
Var. cuilibrât
-
adi.
che al è in ecuilibri, che al è intune posizion o intune cundizion che e permet di restâ stabil, di no colâ:
meti une cjame in mût che e sedi ecuilibrade
-
che al à une proporzion o composizion armoniche dai elements:
fra i aromis si sint profum di flôrs e pomis, struture otime, ecuilibrade, vin plasevul (Enrico Peterlunger, Lis varietâts di vît resistentis a lis malatiis)
Sin. armonic
, misurât
, proporzionât
-
che e à une buine proporzion tra i diviers aliments o principis nutritîfs:
cualchi capriç dolç par dismenteâsi de diete, de linie e des regulis di une alimentazion ecuilibrade (Margherita Timeus, Dolcissim Carnevâl);
une diete ecuilibrade, che e cjapi dentri ducj i gjenars di mangjativis, e je fondamentâl par stâ in salût, si lu sa (Guglielmo Pitzalis, Ocjo ai vues!)
-
adi.
che al à o che al mostre stabilitât mentâl e emotive:
[Xavier Lamuela] mi jere someât la persone plui competente e ecuilibrade sul argoment des grafiis che o ves mai prin incuintrade (Adrian Cescje, Memoriis di politiche linguistiche)
Sin. cuadrât
, misurât
, moderât
, pensât
, ponderât
-
che al à o che al mostre misure e moderazion tal jessi o tal fâ cun chei altris:
Fidrì Malignani al conte sul fîl de memorie che il bisnono Turo al jere un om dal discors stret e ecuilibrât (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât)