Dizionari de Lenghe Furlane

moderât  mo|de|rât  [CO]

1. p.pass., adi. viôt moderâ , viôt moderâsi
2. adi., s.m. che, cui che al è caraterizât di ecuilibri, mancjance di ecès:  cence vizis ni strapaçs, moderât tal mangjâ e plui tal bevi, al jere vignût sù un om grant e grues (Roberto Ongaro, Cretevierte)
   Sin. misurât , ecuilibrât
3. adi. di piçule entitât:  i implants fotovoltaics, par solit, a àn coscj moderâts (Dario Bianchini Giaiotti, Fulvio Stel, Energjiis rinovabilis in Friûl-Vignesie Julie: ce che al è disponibil e a cualis cundizions)
   Sin. piçul , pôc , limitât , bas , scjars
4. adi., s.m. [CO, TS] polit. che, cui che in politiche si ten suntune posizion no estremiste, che al è pront al dialic cun altris posizions, che al è pront a fâ concessions par rivâ a obietîfs che in ogni câs no son massimaliscj:  l'autonomisim furlan, in linie di massime, al à pleât su la posizion moderade di mantignî la unitât regjonâl, ma di articolâ istituzionalmentri la Regjon in dôs parts (Adrian Cescje, Garantî la unitât furlane)

Proverbis:

• par cuinçâ ben il lidric al vûl: pal vueli un avâr, pal asêt un moderât e a messedâlu un mat