Dizionari de Lenghe Furlane

misurât  mi|su|rât  [AF]

1. p.pass., adi. viôt misurâ , viôt misurâsi
2. adi. che al à une misure, un ritmi, un ordin regolâr, simpri costant:  il pas dai bûs al è misurât (Dino Virgili, La aghe da pît la cleve); une cjampane e niçave, po si slargjave a glons misurâts (Maria Forte, La rive di Sant Pieri)
   Sin. regolâr , costant , compagn , vualîf¹
3. adi. che al è in misure juste, che nol è esagjerât:  a àn fat restâ a bocje vierte dut il mont denant di tante finece e di tant misurade elegance (Riedo Pup, I furlans e la mode)
   Sin. belançât , calcolât , ecuilibrât , moderât , cast
   
   1. che al è caraterizât di prudence, di sintiment:  un bocon di om par là, il cont: misurât, educât, nol berghelave mai (Riedo Pup, Il façolet dal Dacian)
4. adi. che al è in misure, cuantitât, entitât scjarse:  tal plat dongje lis patatis al comparì ancje il formadi, magari misurât. Cjar nancje vêle iniment. Cui mangjial cjar in chest mont? (Maria Forte, "Nossent"); a cirin di imberdeâ lis nestris plui resonadis e masse misuradis aspirazions autonomistichis (Josef Marchet, Blestemis)
   Sin. pôc , scjars , moderât , contât , piçul

Proverbis:

• al è miôr misurâsi di bessôi che no spietâ di sei misurâts