Dizionari de Lenghe Furlane

regolâr  re|go|lâr  [AF]

1. adi. che al è daûr des regulis, che nol è cuintri di regolaments o sim.:  al jere un afâr dut regolâr, cun tant di permès e cun tant di tabele disore de buteghe (Fabian Ros, Il lôf); un toc che al pare il Re dal atac di un toc aversari, no si à di movilu parcè che al metarès il Re sot scac e cheste no je une mosse regolâr (Nilde Teresa Negro, Zuìn di scacs)
   Sin. coret¹ , just
   Var. regulâr
2. adi. che nol è strani o straordenari o ecezionâl:  i controi a vignaran eseguîts di bande di agjents in regolâr servizi di patulie (Alessio Potocco, Slovenie, vie libare tal confin)
   Sin. canonic , normâl , just , naturâl , ordenari
   
   1. che al à un funzionament che si considere dentri de norme:  al veve veglât dute la gnot, strac, inglaçât, spietant che su chê musute sglonfe, cul rispîr regolâr a tornassin i segnos de vite (Pieri Somede dai Marcs, O sielç lis stelis)
   2. adi., s.m. che, cui che al va daûr de medie, de ande plui acetade:  i "dark", ven a stâi chei che a levin daûr a chê musiche o mode alì, a jerin coionâts de int cussì dite regolâr (Checo Tam, Cocteau Twins su Netun (ma no il planet))
      Sin. normâl , convenzionâl
3. adi. che al sucêt o che al agjìs cuntun ordin e cuntune periodicitât simpri compagns o scuasi compagns:  lis manovris di fâ par mantignî une rote regolâr e sigure (Raffaele Serafini, Contis sot spirt); al jere un client de ostarie, che al vignive regolâr la sabide di sere e la domenie dopomisdì a fâ la partide (Carlo Sgorlon, Prime di sere)
   Sin. costant , puntuâl , ordenât
4. adi. proporzionât, simetric, cence elements di disarmonie:  al veve la piel scure e la linie de muse regolâr di frut che e sameave piturade cul pinel (Stefano Gasti, Un incjant colât intor)
5. adi. [TS] gram. che al va daûr di un paradigme prevedibil:  gjenerâ cuntun procediment automatic e sistematic dutis lis formis regolârs di ogni leme (Adrian Cescje, Memoriis di politiche linguistiche)
6. adi., s.m. [TS] milit. militâr incuadrât intun esercit ricognossût, daûr des leçs locâls e internazionâls
   
   1. di trupe, ricognossude a nivel uficiâl tant che fuarce impegnade intun conflit o intune azion, daûr dal dirit internazionâl:  no esistin dome esercits regolârs ni dome stâts, ma une schirie infinide di atôrs (armâts), che a lotin par imponi lis sôs ideis, la lôr identitât religjose e culturâl (Mainardo Benardelli, Lis vueris dal dì di vuê)
7. adi. [TS] ecl. di organizazion dentri de Glesie, che e seguìs une regule aprovade de Glesie
   
   1. adi., s.m. che, cui che al parten a une di chês organizazions:  Marino Balbi, nobil venezian e regolâr Somasc (Pierluigi Visintin, Friûl e furlans te Histoire de ma vie di Giacomo Casanova)