ordenari
/-à-/
or|de|na|ri
[AF]
-
adi.
che al è tal ordin normâl des robis, che nol à caratars di specialitât o di ecezionalitât:
la vite ordenarie de int, il so lavôr, lis sôs gjondis e i siei dolôrs, par solit, no interessin ae storie: la storie e je storie dai potents (Josef Marchet, Cuintristorie dal Friûl fin sot la Italie);
salacor al jere par chê semplicitât che ju tratavin propit cussì puartâts in palme di man. "Nô, o sin come ducj, po: int ordenarie!" e diseve Dreine (Dino Virgili, La aghe da pît la cleve)
Sin. normâl
, regolâr
, usuâl
, comun
, corint1
, solit1
Var. ordinari
-
s.m.
ce che al è tal ordin normâl des robis, che nol à caratars di ecezionalitât:
o vevi pardabon la impression che dut al stes fer, intant che plui alts dal ordenari mi parevin il craçolâ dai crots tal sfuei, il bugâ dal aiar e lis griadis (Enrico Martina, Ricuarts e inlusions)
-
adi.
che nol à grant valôr:
e met intor cualchi peçot furnît de parone, peçots di lavôr e robe ordenarie, ma che a judin di istès a sclarîi e ricreâi un fregul il voli (Ivano Urli, Storie di Vera)
Sin. andant
, comun
, corint1
, di dozene
, di trê braçs un franc
, dozenâl
, basot
, di mieze lane
, di mieze velade
, di mieze vigogne
, mediocri
, modest
-
adi., s.m.
(fig.)
che, cui che al à manieris pôc finis, che nol à creance ni elegance:
tô mari e impastane rosis par ogni cjanton e se i dîs che cu lis rosis no si mangje, jê mi rispuint che o soi un ordenari (Lucia Scoziero, Letare al fi);
«A son doi salvadis, plens di pretesis, maleducâts, ordenaris, come il pan di sorc» e diseve done Cheche (Pieri Menis, Il tesaur di done Cheche);
la muse ordenarie [de prostitude], pastrocjade di ros sui lavris, no imprometeve dal sigûr nissune delizie (Gianni Gregoricchio, Îr e doman)
Sin. grubian
, volgâr
, vilan
, maleducât
, malegraciôs
, salvadi
, coiar
, gropolôs
, triviâl
, grês
-
adi., s.m.
che, cui che al ten un incaric in maniere regolâr e definitive:
professôr ordenari di leterature furlane te Universitât di Triest (Adrian Cescje, Memoriis di politiche linguistiche)
-
adi., s.m.
[TS]
dir.can.
predi che al à un podê di jurisdizion leât al incaric
-
vescul che al comande une diocesi
-
s.m.
toc regolâr di ort o braide li che e je semenade une cierte sorte di plante:
o lavi a ricreâmi il voli tai ordenaris dal ort dai miei vons (Lucio Perès, La strie)
Sin. strop
, ordenâl
-
s.m.
[TS, FÛ]
milit.
cuantitât di bêçs destinade a frontâ lis spesis di ogni dì pal sostentament de trupe:
il soldât […] se i vegnin afidâts i bêçs del ordenari dei so cameradis nol devi sot pena di un ancjamò plui rigorôs cjastì, abusâsi nepûr de la minima part (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
Cfr. diarie