modest
/-èst/
mo|dest
[AF]
-
adi., s.m.
che, cui che no i plâs di pandi i siei merits, che no si svante:
fra Bernart al jere un om di pocjis peraulis. Modest e bon, al rispuindeve cun buine maniere, se i direzevin cualchi domande (Zuan Lurinçon, La Madalene)
Sin. misurât
, straneôs
, sudizionôs
, umil
, cast
-
che al mostre pocje o nissune volontât di svantâsi, pocje o nissune braùre:
al parà jù la iscrizion sore la puarte da farie [cun scrit "Il mestri sore ducj i mestris], e al so puest a 'nt tacà sù une altre plui modeste che a diseve: "Ogni mês si fâs la lune, ogni dì si impare une" (Luigi Gortani, Il mestri sore ducj i mestris);
e semeave une fantate cuntun mût di fâ modest e controlât (Carlo Sgorlon, Il dolfin)
-
(fig.)
ancje riferît a bestie, plante o robe inanimade, che e da la impression di vê la virtût de modestie:
[la viole] sence il fum de la ambizion, / je modeste simpri e biele / là tra il ruscli e l'urtiçon (Pieri Çorut, La plovisine)
-
adi.
di pôc scjas o di pôc valôr:
"Magnific" i disevi, "o lin a cjatâle insiemi. La mê veture e je modeste, ma e sarà une biele gjite" (Alan Brusini, Gian Paolo Linda, I forescj)
Cfr. pôc
, piçul
, scjars
, scart
, moderât
, bas
, limitât
-
cun pocje disponibilitât economiche:
di cundizion modeste, al studie prime a Vignesie, […] e po a Padue, cence però, che nus risulti, rivâ a laureâsi (Mario Turello, Il brevet)
-
di pocje pretese:
Delchi al veve ancje cirût di meti sù buteghe [di barbîr] di bessôl, intun localut, sul cjanton dal borc: un servizi sence pretesis, pes modestis esigjencis de int dal borc (Gianni Gregoricchio, Delchi)
-
di pocje impuartance:
i Conseis regjonâi a àn modestissimis competencis di legjislazion e aministrazion locâl (Josef Marchet, Diferencis)
-
piçul di dimension, cuantitât, intensitât e v.i.:
un rilêf di modestis proporzions dulà che o podìn viodi la Madone cul Frutin logade te façade dal palaç Mantiche (Bepi Agostinis, Storie de art in Friûl)