bas
bas
[CO, FO, TS]
-
adi.
di pocje altece:
un on, di statura bassa ma robust (Federigo Comelli, Il me paîs);
l'obelisc ur someà plui bas di ce che si spietavin visantsi des fotografiis (Agnul di Spere, Te grande place);
sô cjamarute piçule e basse ma plene di clâr (Pieri Somede dai Marcs, O sielç lis stelis);
prâts di jerbe basse cu lis rosutis di Vierte (Adrian Cescje, Viaç aes origjins dal Logos);
sentât sul bredul bas al fissave la none che si tignive sù drete (Maria Forte, Cjase di Dalban);
scarpis bassis;
si jentrave in doi curtilons plui grancj di dute la place, dividûts di une muraie basse e malfate, plene di urtiis e di jerbe di fûc (Pieri Menis, Lis çuculis dal Gjigjo)
Sin. curt
, piçul
-
di vistît o di un so detai, che al è o che al sta plui injù di ce che e podarès jessi la norme:
une cotule cu la vite basse
-
che al à cualchi detai o particolâr a mancul altece dal normâl:
e veve refudât tancj di lôr, e a un, bas di cavalot, i veve dit une dì, che se i vessin metût un râf tal daûr al varès strissinât la viscje par tiere (Maria Forte, La fie çuete)
-
adi.
che al è sot, par posizion, in relazion a altris elements:
a laran indevant i lavôrs començâts tal 2005 pal infuarciment de part basse dal tor (Redazion il Diari, Il tor che al pent)
Sin. inferiôr
, sot
, disot
-
che al è plui dongje de tiere, rispiet a altris elements o rispiet ae medie o rispiet a altris posizions pussibilis:
un scriç al scjassave la code su la rame plui basse di un pin (Amedeo Giacomini, Tal ospedâl);
i nûi bas a cuvierzin lis montagnis (Cristina Noacco, Faliscjis);
te lûs lamie dal soreli che al lave jù sul cîl bas e frêt come un lastron di glace (Pieri Menis, Il pignarûl)
-
adi.
minôr dal normâl o rispiet a altris elements o a altris pussibilitâts intune scjale di valôrs o intune misurazion:
e je gnervose, si lamente di pression basse e di inzirlis (Silla Stel, I mâi daûr dal timp);
un mût di fâ turisim just te distribuzion dai profits, rispietôs des comunitâts locâls e cuntun impat ambientâl bas (Buteghe dal Mont, Luche Nazzi, Guide par un consum just e solidâl);
emissions incuinantis bassis e rindiment energjetic alt (Matteo Mazzolini, Autonomie energjetiche nol vûl dî autarchie);
bevandis a basse gradazion alcoliche (Guglielmo Pitzalis, Mole il bevi!);
tignî a temperadure basse
-
adi.
di une part dal cuarp, che e je indreçade injù, soredut par pandi une cierte atitudin o un ciert umôr:
Mirco si jere ingropât di no podê plui lâ indenant, e al tignive i voi bas, imberdeât (Alan Brusini, Par stradis lungjis);
i agneluts tremant si lamentavin e cualchidun sudizionôs, piçul, cul music bas, al lave dongje a chel omenat (Pieri Somede dai Marcs, Clâr e scûr);
jessint dal cimitieri i Marcons a cjaminavin cul cjâf bas, cul façolet devant de bocje (Pieri Menis, Il testament)
Sin. sbassât
-
cun ûs averbiâl, di persone, che e sta pleade indevant:
blanc di piel, sec, debil e al va vie bas e nol à nancje il coragjo di cjalâ une femine tai voi (Checo Tam, La maree nere)
Sin. plet1
, pleât
-
adi.
spec. di aghe, pôc fonde:
o cirivin di socâ un pessut di chê bande de aghe basse (Lucio Perès, Tal Cuar)
-
adi.
che al è a Sud:
il Parlament di Rome al à fate buine destinazion di un biel grum di miliarts pe "redenzion" de basse Italie (Josef Marchet, Cirî la caritât);
o jeri a pene rivât li de strade basse di Pavie che la ploie e tacà (Checo Tam, La codebuie)
Sin. dal Sud
, di Misdì
, meridionâl
-
adi.
di regjon gjeografiche, che e je plui in planure, a cuote plui basse:
[i Langobarts] a jerin stanziâts in Ongjarie e te basse Austrie, indulà che a vevin vinçûts e pleâts i Gjepidis (Josef Marchet, Cuintristorie dal Friûl fin sot la Italie)
-
adi.
[CO, TS]
gjeogr.
de part di un flum che al è plui dongje de fôs:
lis tieris bande Monfalcon, clamadis ancje "il Tiritori", tra il bas cors dal Lusinç e il Timau, […] a àn carateristichis linguistichis e culturâls diferentis di chês dal rest de regjon (Monica Medeot, Preistorie in Friûl)
-
adi.
di fieste, che e cole prime dal solit:
Pasche e pues colâ in Març (Pasche basse) o in Avrîl (Pasche alte) (Mario Martinis, Il grant lunari dal Friûl. Març)
-
adi.
di une ete, plui resinte:
[tai lavôrs di restaur di palaç Mantiche] a son vignûts fûr i mûrs di un edifici de Basse Ete di Mieç (Rossella di Brazzà, Sot di Palaç Mantica la storie de citât: il cjastelîr di cuatri mil agns indaûr)
Sin. tart
, ultin
, resint
-
adi.
di pôc volum, pocje fuarce, pocje intensitât e v.i.:
la vôs e jere propite basse e si sintive lis peraulis dome ogni tant, juste cuant che no rivavin rumôrs de strade (Agnul di Spere, In Friûl, nossere);
salâ pôc e finî di cuei par almancul une ore a fûc bas cu la fersorie taponade (Giorgio Pascoli, Il Litum: jerbis salvadiis te cusine);
tignî lis lûs bassis
Sin. debil
, flevar
, sbassât
-
adi.
che al compuarte pocje spese o pôc vuadagn, che al è pôc produtîf, che al fâs zirâ pôcs bêçs:
il vantaç pe Italie si varès dome se lis impresis todescjis a trasferissin i lôr coscj plui piçui in presits finâi plui bas (Patrizia Tiberi Vipraio, Euro o no euro: isal chest il probleme?);
nol paie masse i siei lavorents che, dispès, si lamentin pe paie basse (Sandri Di Suald, Grande Cjargne);
la produtivitât e risulte une vore basse, la inovazion sociâl e tecniche cuasi inesistente, il mudament dut afat inesistent (Adrian Cescje, Liniis di storie sociâl e economiche dal Friûl 1500 - 1800);
chest gjenar di produzions a bas cost al previôt par fuarce une troupe la plui piçule pussibile (Fabian Ros, Interviste cun Giorgio Cantoni)
Sin. contignût
, jù
, modest
, morestât
-
adi.
di pocje cuantitât:
i vins plui preseâts si puedin vê intai cuei, par vie de basse produzion, de buine esposizion e de elevade escursion termiche (Enrico Peterlunger, Storie curte de vît in Friûl)
Sin. modest
, scjars
, piçul
-
che nol baste:
cjapâ un vôt bas a scuele
Sin. scjars
, brut
, trist
-
adi.
(fig.)
che al à une posizion pôc vantazose di une jerarchie:
no cu la int di alte cundizion che e sa compuartâsi, ma simpri in mieç de puare int, cui operaris, cul popul bas (Josef Marchet, Lis predicjis dal muini);
no rivavin a ocupâ i puescj plui bas e umii, ma i puescj plui alts e di comant (Antoni Beline, La eterne lote dai furlans)
-
che si calcole che al vali pôc, che al vedi pocje dignitât:
ju cjapavin par formis di vite cussì bassis che no valeve nancje la pene pierdi timp (Checo Tam, La invasion)
-
adi.
(fig.)
che al corispuint aes pulsions calcoladis mancul nobilis:
al significave il discjadenâsi plui grês dai istints bas, une vite pansessuâl ûs animâl (Adrian Cescje, Viaç aes origjins dal Logos)
-
che al ven calcolât negatîf, espression di ce che al è piês te persone:
une morâl basse
Sin. carognôs
, cragnôs
, indegn
, meschin
, schifôs
, trist
, vergognôs
-
adi.
[CO, TS]
mus.
di note musicâl, grave:
un do bas
Sin. grâf
-
di strument, che al à estension analighe a chê de vôs di bas
Sin. grâf
-
di vôs, sunôr e v.i., font:
ton bas
Sin. grâf
-
adi.
di espression linguistiche, caraterizade di pocje formalitât:
forme dal regjistri linguistic bas confidenziâl e popolâr (Adrian Cescje, Memoriis di politiche linguistiche);
su Facebook, dulà che a son atîfs grups di agregazion, di amicizie, di condivision cun cetancj utents par furlan, une vore creatîfs, ma che a doprin un furlan "bas", (Erika Adami, La lenghe furlane tai mieçs di comunicazion)
-
s.m.
ce che al sta plui injù, o a mancul cuote, o plui a Sud o sim.:
di drete a çampe, dal alt al bas [lis âfs] a 'siminavin cun tante furie, che il voli nol podeve stâur daûr (Catarine Percude, Lis âfs);
tal bas, che al rît, Tarcint / e plui tal bas la Tor, un fîl di arint… (Enrico Fruch, Matine di Fevrâr);
dal bas l'aiar al puarte nûi viers lis montagnis (Alan Brusini, Gian Paolo Linda, I forescj)
Sin. fonts
, basse
, sot
, disot
, parsot
-
nivel inferiôr di une jerarchie:
il Parlament nol rapresentà plui il Friûl, ma nome une classe, une minorance privilegjade e cjalade di neri dal alt e dal bas (Josef Marchet, Cuintristorie dal Friûl fin sot la Italie);
une sielte costitutive vignude dal bas (Fabian Ros, La invenzion dal stât)
Sin. fonts
, base
-
nivel inferiôr intune scjale di valôrs:
si pense che il vueit dal Malignani al sedi rivât a une pression tra il bas e il medi, ven a stâi tra i 10-4 e i 10-2 Pascal (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât)
-
s.m.
[CO, TS]
mus.
spec. tal pl., notis bassis:
cheste autoradio e da une vore ben i bas
-
s.m.
[CO, TS]
mus.
vôs masculine di timbri plui grâf:
al tornà a cjapâ la sô cjantose, e chei altris daûr, ce di secont e ce di bas (Dino Virgili, La aghe da pît la cleve)
-
cjantant che al à la vôs di timbri plui bas
-
s.m.
[CO, TS]
mus.
spec. tal pl., intune orchestre, il complès di violis di gjambe, cuintribàs o fagots
-
te musiche jazz, il cuintribàs
-
av.
injù, no adalt:
svolâ bas
Sin. jù
, injù
, sot
, insot
, abàs
, dabàs
-
av.
a vôs basse:
fevelâ bas
Sin. a basse vôs
, sot vôs
, sot vôs vie
Polirematichis e espressions idiomatichis
Proverbis:
- cjase che si fâs in place o masse alte o masse basse
- fumate basse, bon timp e lasse
- fumate basse, bon timp e lasse; fumate alte, al plûf cuant che i salte