resint
/-ìnt/
re|sint
[AF]
-
adi.
che al è sucedût, al sucêt, al esist e v.i. di pôc timp:
no si trate di une scuvierte resint, anzit no si sa ni cuant che il repert al sedi stât brincât, ni cui che lu ves olmât, ni indulà (Lucio Perès, Une lance longobarde cjatade a Baracêt);
cisignocs e pastei e violutis a cimiavin simpri jenfri de jerbute resinte (Dino Virgili, La aghe da pît la cleve)
Sin. crei
, gnûf
Var. recent
Cfr. fresc1
-
ancje cun valôr averbiâl, prime di un participi, par segnâ che une azion o situazion e je a pene tacade, a pene sucedude e v.i.:
si impegnave a cjalâ ator cu la voie di scancelâ lis imagjins resintis jentradis, come paronis tal so cjâf (Maria Forte, La tiere di Lansing)
Sin. just
, juste
, a pene
, a penis
-
che al à caratars di novitâts, di frescjece:
la campagne [cuvierte di nêf] e jere une blancje largjure cun filusumie gnove come cambiade par incjant, dute resinte di lûs, cul clâr di un soreli che al pareve gnûf ancje chel (Maria Forte, Chê massanghe plui grande)
-
che al à intor robe gnove:
si jere fat fotografâ par denant e par daûr, ridint e vaìnt, lecât e discjaveglât, resint e peçotôs, a muse viarte e a muse dure: come un artist complet, in sumis, pront par dutis lis parts (Alviero Negro, Ordan)
-
adi.
di une fase storiche o preistoriche o di une forme di culture, che dentri di un periodi plui lunc e je plui dongje de nestre ete:
cul Epigravetian resint, cirche 15 mil agns indaûr, i glaçârs a scomencin a ritirâsi (Andrea Pessina, Gaetano Vinciguerra, La preistorie in Friûl)