debil
/-è-/
de|bil
[FO]
-
adi., s.m.
che, cui che al à pocje fuarce:
cul passâ dai agns, si fasìn simpri plui debii, simpri plui smamîts, simpri plui flaps e la nestre piel frescje e devente come peleote (Checo Tam, I mîts di Babylonie);
o soi cuintri ogni violence, e soredut cuintri chê viers i plui debii e cence difese (Cristina Noacco, Faliscjis);
e il mont, che al e bricon, / i da reson al fuart / e il debil al à tuart. Fevelio mâl? (Enrico Fruch, Sant Just)
Var. debul
Cfr. strac
-
che, cui che al à pocje fuarce psicologjiche, morâl, pôc caratar, pocje determinazion e v.i.:
[te gnove societât] i plui triscj si adeguin. I plui bogns o i plui debii si copin (Riedo Pup, Furlans: alt, no cussì!)
-
che, cui che al à pôc podê, ancje economic, che al è plui vulnerabil:
dâ rispuestis aes fassis plui debilis de societât (Claudio Pellizzari, Esperiencis e buinis pratichis intune mape digjitâl. Une rispueste concrete aes dibisugnis de int)
-
adi., s.m.
che nol funzione ben o che al à alc che nol funzione ben, che al è delicât:
o soi simpri plui debile di cûr, soredut ta chei ultins mês achì, come che ti ai za dite la volte passade, e il miedi mi dîs di stâ plui cuiete pussibil (Raffaele Serafini, Altris contis di famee);
lui al è debil di stomi e la polente i fâs incjastric (Josef Marchet, Lis predicjis dal muini)
-
adi.
che nol sopuarte sfuarçs:
la osteoporosi e je une malatie che e fâs deventâ i vues plui debii (Guglielmo Pitzalis, Ocjo ai vues!)
Sin. crevadiç
, crevulîs
-
adi.
che al à pocje intensitât:
e jere une vôs lontane e debile, ma jê la veve sintude (Gianfranco Pellegrini, Il morâr);
il soreli che al divente simpri pui debil (Mario Martinis, Il grant lunari dal Friûl. Otubar)
Sin. flap
, lizêr
, pôc
, flevar
-
adi.
(fig.)
che al à pocje fuarce, pôc valôr, pocje incisivitât in cualsisei sens figurât:
lis ideis buridis fûr di chescj sogjets a son dispès contraditoris e debilis (Marc Stolf, Sarts arûts, prin di dut)
Sin. lami
-
s.m.
dome sing., preference personâl une vore fuarte:
vê un debil pai cjans plui che no pai gjats
Sin. preference
, predilezion
Polirematichis e espressions idiomatichis
Proverbis:
- ducj i principis a son debii