Dizionari de Lenghe Furlane

flap  flap  [AF]

1. adi. che nol è sglonf, plen, dûr:  al va a cjapâ sù la biciclete tal scûr e la cjate cence flât. Alore il so amì, par dâi une man, al cjape la pompe e al tache a pompâ. "A 'nd aie vonde?" "Dai, dai tu: e je flape!" (Meni Ucel, Il Strolic furlan pal 1961); e al si sborà che nol podè sietâ / che dentri lu fasès dut cuant entrâ. / Mi repossai un pôc li sun un clap, / e cul cjapiel mi zê parant il vint. / Jê sunava il cotâl che al era flap (Eusebi Stele, Se par vostra bontât vorês scoltâ)
   Sin. flos , lasc , mol¹ , mues , moladiç
   Cfr. disglonfât
   
   1. soredut di plante o part di plante, che e je daûr a pierdi o che e à pierdût frescjece:  un vâs cun flôrs flapis (Bruno Paolo Pellarini, Ninenane)
      Sin. flos , flapît , inflapît , passât
      Cfr. laît , lai
2. adi. (fig.) che nol à fuarce, gnerf, snait:  jo po ben us dirai, / che soi flap ancje jo, / che mi frachin la gobe i carnevâi (Pieri Çorut, Conclusionâl); al jere rivât gjespui, e oramai il soreli al deventave simpri plui bas e flap (Gianni Gregoricchio, Îr e doman); a ti àn molât un fûc di file cuintri i argoments flaps e çueteants dal Procuradôr dal Re (Guido Antonioli, Florean dal Palaç, I, 1)
   Sin. sbols , lami , debil , basot , mol¹ , mol di suste , strac , lofio