mol1
/-ò-/
mol
[AF]
-
adi.
che nol è dûr, che sot di une pression o di une fuarce al cambie di forme, al cêt, al mole e v.i.:
faseit une paste mole cun 350 grams di farine, aghe clipe e 20 grams di levan di bire (Emilia Baldassarre, Ort e cusine);
une polente mole di spelte o di vuardi, insavoride cun cevole e puar (Sandri Olivetto, Gabriele Pressacco, La storie de alimentazion in Friûl)
Sin. flos
, mossit
, tenar
, fof
, los
, mues
, moladiç
Cfr. flap
, mulisit
-
adi.
che nol è in tension, che nol è tirât o strent:
la muse un pôc ruane che i saltave fûr dal façolet neri a pinie leât un pôc mol sot dal barbuç (Pieri Somede dai Marcs, Pre Josef);
siôr Agnul al svuarbave il so siumut cence vê dibisugne di vuidâlu, lassantji moi i smuars in bocje. Il cjaval al cjapave just il volt de strade (Maria Forte, Cjase di Dalban)
Sin. lasc
, smolât
, lassât
, lent1
, slassât
, asiât1
-
av.
cence strenzi:
lu tignivi te man, no masse a strent par no copâlu e no masse mol par no lassâlu scjampâ vie (Boris Sut, Il balon al è taront tant che la panze di un cjochele)
-
adi.
bagnât, plen di aghe:
lui al ronceava tal prât, mol di bagnadura (Novella Cantarutti, "Sì che i vevi na marosa");
si sbassà ca e là a palpâ la viscje frescje e mole di agaçon (Maria Forte, La gnot di Radeschi)
Sin. imbombît
, plomp2
, bagnât
, bomp
, imbombât
, strafont
Cfr. muel
-
adi.
(fig.)
che nol à fuarce, fisiche o psicologjiche, o che nol à incisivitât:
lui le cjape pal braç; Rosute dure e smuarte si lasse strissinâ. Ducj i doi ti cjaminin cence vierzi bec, moi moi (Dolfo Zorzut, La furlane);
vuê o sin ca che o traìn la man e o sintìn pardut vueit e mol. La Furlanie e duar sul ôr di une ruvîs (Josef Marchet, Legnadis e pidadis)
Sin. tenar
, debil
, flevar
, lizêr
, flap
, lami
, lofio
-
adi.
(fig.)
no dûr, no agressîf, no trist:
"Puarete!" La uniche peraule mole che e veve savût disi (Maria Forte, Cjase di Dalban);
un paisan che nol jere tant mol cui predis (Pieri Menis, Dôs di pre Checo)
-
s.m.
robe o part che no je dure:
ne gjarle, chest Avrîl, / e veve fat il nît suntune vît / da pît dal gno vignâl. / Lu veve sistemât ben e no mâl / tra cjâfs e fueis, pulît, / Po e veve parturît / cuatri ûs, in chel biel mol […] (Meni Ucel, Razisim)
Sin. tenar
, fof
-
s.m.
ce che al è bagnât, spec. teren plen di aghe:
o semeni i miei siums su la strade / dut tacadiç tal mol de rosade (Berto Bevilacqua, Malincunie paisane)
Cfr. muel
