tenar
/tè-/
te|nar
[AF]
-
adi.
che nol è dûr:
plats di patatutis gnovis e di vuaìnis frescjis, tenaris come spongje (Riedo Pup, I furlans e lis feriis);
i fîcs blancs po… un vêr spetacul: gruessons e dolçs come la mîl e tenars (Angelo Covazzi, I fîcs)
Sin. molisin
, molisit
, mol1
Cfr. fof
, morbit
-
s.m.
ce che nol è dûr, part che no je dure, sensazion dade di ce che nol è dûr:
a rivava a sintî la fassadura dal cjâf, il tenar dal cussin sot se (Novella Cantarutti, Paron Salvadi)
-
adi.
no sevêr, no trist, no agressîf, no restîf e v.i.:
il model francês al è stât plui voltis copiât di cetancj Stâts, e jenfri chescj la Italie, che dal sigûr no je stade tenare cu lis sôs minorancis internis (Redazion Lenghe.net, Sarkozy: "Lis lenghis regjonâls nus insiorin")
Sin. bon
, mugnestri
, dolç
Cfr. sometût
, sudizionôs
, ubidient
-
adi.
che al mostre afiet o amôr:
Ane i murmuiave cun vôs tenare: "…. ma par furtune che jo ti ai te" (Gianni Gregoricchio, Îr e doman);
so pari le cjalave cui siei voi tenars (Maria Forte, La fie çuete)
Sin. amorôs
, bon
, cjâr
, dolç
, ninin
, afetuôs
-
s.m.
sintiment o manifestazion di afiet o di amôr:
ogni volte che al torne dongje, Silvio al è dut un tenar cun jê; di sigûr i vûl un ben di vite (Pauli Jacuz, Il sado)
Sin. amôr
, afiet
, dolç
, bon
, ben
, tenarece
-
adi.
(fig.)
di colôr, segn, moviment e v.i., che al à o che al comuniche delicatece e armonie:
i colôrs a son tenars e pastôs, l’artist al fâs sintî la sô nostalgjie dal ’500 (Bepi Agostinis, Storie de art in Friûl)
Sin. dolç
, delicât
Proverbis:
- cul plui menâ, il pan al devente tenar
- l'ûf al vûl nec durum nec tenerum sed basotum