afiet
/-è-/
a|fiet
[FO]
-
s.m.
sintiment positîf, di amôr, di ben, di amicizie, e v.i.:
l'afiet che i veve fats fâ tancj sacrificis e condurâ tantis fadiis pareve che nol podès plui murî (Catarine Percude, La mulinarie);
al pareve che un fîl di afiets, di sintiment e di ricuarts mi leàs ae mê int (Pieri Somede dai Marcs, In teatro);
al veve cjapât un grum di afiet par Ricardo e il frut par lui (Carlo Sgorlon, Prime di sere)
Sin. amistât
, amôr
, ben
, benvolence
, calôr1
, cûr
, simpatie
, tenarece
-
manifestazion di chel sintiment:
al jere magri di afiets par chei altris (Maria Forte, Cjase di Dalban)
-
s.m.
robe o persone che si à o si cjape afiet viers di jê:
"No aio plui il dirit jo di formâmi la mê famee par chel frut che al podarès cjatâsi masse zovin sence afiets?" (Bruno Paolo Pellarini, Ninenane)
Polirematichis e espressions idiomatichis
Proverbis:
- al dure l'afiet fin che al dure il confet
- se tu i puartis afiet a la tô prole, atint a la campagne
