calôr1
ca|lôr
[AF]
-
s.m.
energjie che e fâs cressi o che e manten alte la temperadure:
al somearès che la operazion di introduzion di fosfar e arsenic inte ampole e fos fate di Turo a filament cjalt e duncje in ambient dulà che si veve trasmission dal calôr par convezion e iradiament (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât)
-
sensazion dade di chê energjie:
la lisierte e gjolt dal calôr sui mûrs di clap (Mario Martinis, Il grant lunari dal Friûl. Avost)
-
s.m.
temperadure alte dal aiar, dal ambient:
l'ambient impussibil, / la spuce, il calôr / ti siere la gole, / il cjâf ti va ator (Romeo Battistig (?), Ai Piombi)
Sin. canicule1
, fogaç
, scjafoiaç
, scjaldadice
, scotôr
, stofaç
-
s.m.
(fig.)
fuarce emotive, disposizion entusiaste, ecitade:
tal temperament dai talians e je une cjarie tremende di passion, di calôr, di facilitât a entusiasmâsi e a butâsi jù (Josef Marchet, Sflacjons e insolents);
o jempli une altre volte il bussul. Il bevi mi fâs ben, mi da calôr e otimisim (Alan Brusini, Gian Paolo Linda, I forescj)
Sin. bol2
, empit
, ferbidece
, fervence
, fervôr
, passion
, slanç
, vivarosetât
, vivece
, vivôr
-
s.m.
situazion o atmosfere di afiet e umanitât:
lis curis e il calôr dal afiet lu àn fat tornâ in fuarcis e a une vite gnove (Pieri Somede dai Marcs, Mame…);
i locâi vecjos plens di calôr e di storie e di vin gnûf a ogni anade (Riedo Pup, I furlans e la ostarie)
Sin. afiet
, cordialitât
, cûr
-
s.m.
[TS]
zool.
periodi di fertilitât e di ecitazion sessuâl, spec. dai mamifars:
"No sâstu?" i rispuindè so copari Milio intrigadon a tignî pe cjavece une manze in calôr (Pieri Somede dai Marcs, La benedizion da la aghe)
Sin. amôr
, free
-
s.m.
[TS]
med.
(pop.)
inflamazion o reazion de piel:
il trat di blanc di ûf che ti disflame dal calôr (Riedo Pup, I furlans e lis medisinis);
riscjalt, calôr, ponte, …dissese, …flamon, …rifrescjetât, glanzate, … Un om, insume, che al cognosseve, di babio, chel disio di malans e, soredut, al saveve cetant che al coventave fevelâ par ogni malât (Maria Forte, Il Bide di Miot)
