passion
/-òn/
pa|ssi|on
[FO]
-
s.f.
[TS]
religj.
spec. cu la iniz. maiusc., i torments di Crist su la crôs e la lôr narazion tai Vanzelis:
o vês sintût ce maniere che in cheste Domenie Ulive, che e inaugure la setemane de passion, Marc al conte la muart di Crist (Francesc Placerean, Cuant che a un popul i gjavin la sô lenghe in glesie, al è pront par jessi soterât)
-
st.religj., teatr.
rapresentazion teatrâl sacre dai ultins episodis de vite di Crist
-
art
rapresentazion artistiche dai ultins moments de vite di Crist:
ai 8 di Otubar dal 1521 [il Pordenon] al puarte a bon fin tal domo di Cremone il cicli de Passion di Crist, […] figurant Jesù che al puarte la crôs, Jesù che al cole sot de crôs, la Crucifission (Bepi Agostinis, Storie de art in Friûl)
-
s.f.
fuarte pulsion irazionâl, sintiment che al cjape dute la persone:
al jere un mont insanganât e torgul, là che passions e odis si confondevin cui ideâi e l'amôr di patrie (Roberto Ongaro, Il muc)
-
s.f.
sintiment amorôs une vore ferbint o maniere di vivi i rapuarts amorôs une vore ferbinte:
si jere sposade trê voltis […] la tierce par passion (Cristina Noacco, Faliscjis);
lui al viodeve in jê la passion improibide; che e ten indaûr e e clame tal stes timp (Maria Forte, Cjase di Dalban)
Cfr. amôr
-
s.f.
interès, plasê e ogjet di interès e plasê une vore fuart, ancje esagjerât:
ce impuartavial, po, di comprâ chê braide? Tant lui nol veve mai vût passion di tiere (Maria Forte, La tiere di Lansing);
i miei bis, i gjenitôrs dai miei nonos, a jerin passionâts di musiche liriche, i àn passade chê passion ai fîs e cumò gno nono mi fâs scoltâ musiche classiche ancje a mi (AAVV, Sul florî);
il gno [strop] al jere tal mieç, sot dal miluçâr e ator ator o vevi implantadis cuatri o cinc rosis: la mê passion; e ducj mi ridevin par cheste debilece! (Pieri Menis, La scuele dai fornasîrs);
la passion pal vin lu veve spedît a cjalâ il lidric de bande dal poc prime da la ore (Franca Mainardis, Aiar di cjase)
Sin. amôr
, fiere1
, slanç
, traspuart
-
s.f.
fuarte partecipazion emotive e impegn che al derive di chê partecipazion:
al veve imparât une robe che chei altris no savevin, ven a dî cjapâ lis robis cemût che a vignivin, cjalâlis di adalt, cun distance e cence passion (Carlo Sgorlon, Prime di sere);
Alexander Wolf […] si è dedicât cun passion ae ricercje di documents antîcs tai archivis de regjon (Federico Vicario, Documents de Ete di Mieç pal studi dal furlan antîc)
Sin. anime
, cûr
, slanç
, traspuart
, partecipazion
-
s.f.
(fig.)
dolôr, pene grande:
capitada po la ultima sô zornada veva sintût un strinziment di cûr, una passion, un afan […] vuareva viodiju [siei fradis] ancjamò una volta ca jù, jessi perdonada, e bussâju (Federigo Comelli, Il me paîs);
ninà pipin codai, / biade la ore che ti ai, / se une dì jo no ti ves, / di passion o murirès (Zuan Nazzi Matalon, Ottorino Burelli, Sacheburache)
Sin. cruzi
, cruzie
, patiment
, pene1
, soference
, dûl
-
(iperb.)
patiment ancje no tant grant ma che al domande tante pazience:
dopo jespui, naturalmentri, la sagre e leve dilunc tes betulis, cun grande passion di sô agne, che lu sintive a rivâ vie a oris indecentis (Antoni Beline, Pre Pitin)
Proverbis:
- la passion e scjafoie ancje la reson
- la passion no resone
- uciel pal aiar al cjante di ligrie, uciel in scjaipule al cjante di passion
- voltât il cjanton, passade la passion