smanie
/-à-/
sma|ni|e
[CO]
-
s.f.
cundizion emotive li che si è une vore gnervôs, incuiets e v.i.:
"Ah, par dî il vêr, usgnot passade, no 'ndi ai durmide un voli: - e disè Line - o vevi un malstâ, une smanie…" (Roberto Ongaro, Cretevierte)
Sin. ansie
, ansietât
, ecitazion
, incuietudin
, tension
, vivacitât
-
s.f.
(ancje fig.)
desideri o dibisugn une vore fuart, che no si rive a stratignî:
i cresseve dentri la smanie di sbrocâsi in cualchi maniere (Gianni Gregoricchio, Trê feminis)
Sin. gole
, pice
, sbisiôr
, tarme
, uce
, voie
, brame
Cfr. smare
-
sburt o mût di fâ esagjerât, irazionâl:
e je vignude la smanie di lassâ intun cjanton i citadins brâfs e inteligjents, par fâur puest ai forescj (Guido Antonioli, Florean dal Palaç, I, 1);
il Nûfcent al è nassût sot la bandiere dal spirt nazionâl: plen di patriis pusticis, plen di smanie colonialistiche, plen di retoriche tartarine (Josef Marchet, Il cîl nulât)
Proverbis:
- Pasche tafanie il frêt al va in smanie