tension
/-òn/
ten|si|on
[AF]
-
s.f.
azion di plui fuarcis che a tirin o a son in vore in direzions diviersis e cundizion di un cuarp che al sint i efiets di chês fuarcis:
la cuardadure, e je spostade insù di une tierce minôr a pet de norme. Cuntune tension cussì alte, lis cuardis si rompin dispès (Alessio Screm, Cïtira e bünkula e la tradizion musicâl a Resie)
Cfr. tîr
, tirament
, tirade
-
s.f.
[TS]
fis., eletr.
diference di potenziâl eletric che e je jenfri doi cuarps o doi ponts:
intune superficie di 25 milesims di metri cuadri si è rivâts a tirâ sù la tension eletriche di circuit viert fin a 1.000 volts di tension (Lorenzo Marcolini, Aplicazions des celis organichis nanostruturadis)
-
[CO]
(impropr.)
corint eletriche
Sin. corint eletriche
, eletric
, eletricitât
, fuarce eletriche
-
s.f.
(fig.)
situazion o relazion caraterizade di diferencis e di contrascj:
[i agns ] a jerin sglonfs di tensions e divisions endemichis e chei che si clamavin comuniscj no saressin stâts plui inte stesse barcje cui socialiscj (Max Mauro, Felix Marchi e il sium dal furlan-furlan);
lis tensions jenfri Stâts Unîts e lis superpotencis asiatichis a jerin za vonde altis (Raffaele Serafini, Contis sot spirt)
-
s.f.
(fig.)
cjame gnervose di une cierte situazion, esperience, relazion, cundizion psicologjiche e v.i.:
[altris feminis] la lôr solitudin le mudin in difese e a sormontin pene e delusion. Jo no soi stade buine. Masse supierbeose dal gno feminin? Ma femine, o soi, e persone umane! Vonde. Cheste tension mi sflanchine (Gianni Gregoricchio, Trê feminis)
Sin. ecitazion
, gnervin1
, gnervôs
, tirament
-
s.f.
(fig.)
in oparis artistichis o de creativitât, fuarce dramatiche o espressive:
a moments di tension une vore alte ur van daûr moments dulà che la storie e samee ralentâ intune sorte di strache (Laurin Zuan Nardin, Il naradôr e il vuerîr)
Cfr. intensitât
-
s.f.
(fig.)
impuls, sburt, desideri di svicinâsi a alc o di rivâ a un obietîf:
la tension viers l'universâl ideâl e fo esplicitade e justificade de filosofie (Adrian Cescje, Viaç aes origjins dal Logos);
la dificoltât e cree simpri un stimul e une tension viers alc altri (Serena Fogolini, Atôrs e dramaturcs: «Ce teatri volìno pal furlan?»)