tîr
tîr
[FO]
-
s.m.
il butâ, soredut cu lis mans, cui pîts o ancje cun cualchi imprest, e il so risultât:
un tîr di clap cuintra un arbul (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
Sin. lanç
-
il trai cuntune arme:
ta la vila a vignevin i alpins a fâ i tîrs (Novella Cantarutti, La agna Mia di Ristec);
garis di tîr cu la pistole (Alessio Potocco, Disabii e sport, leam simpri plui strent)
-
[TS]
sport
in sports tant che il balon, la bale tal zei, l'hockey e v.i., impuls dât ae bale, al disc o altri dât cun fuarce e par segnâ un pont o par meti la bale in zûc:
al scate indenant e al ponte la puarte cuntun tîr di fûr che al ven parât vie in corner (Marc Stolf, Udinese - Inter 3-1)
-
s.m.
(fig.)
lungjece o distance aprossimative che e corispuint a chê fate di alc che al ven butât o trat:
un tîr di clap plui indevant al intopà un mussâr, che al veve un mûl impastanât su la strade (Luigi Gortani, Il matescul di Cjabie);
no vevin fate tante strade di un tîr di sclope, che a sintirin un grant fracàs (Catarine Percude, La fuiace de Madone)
-
s.m.
(fig.)
azion no corete o in ogni câs cun consecuencis negativis par cdn. che no se spietave:
[il maiôr] no si varès mai imagjinât il tîr che Tunin veva zuiâti a la gjandarmaria (Ranieri Mario Cossâr, Gnot di Sant Silvestri)
Sin. brut scherç
, brut tîr
, buzaronade
-
s.m.
(ancje fig.)
azion di fâ fuarce su alc o su cdn. par svicinâlu o par tindilu:
chei rips, chei salts, chês marculis, / chei scherçs, chei sburts, chei tîrs (Zaneto, Tite Meni e lis babis)
Sin. tirade
, tiron
-
il meti o il tignî in trazion o in tension, a nivel materiâl, fisic, o ancje psicologjic, emotîf e v.i.:
un sintiment che i saborave dentri vie e che le tignive in tîr come un cuarde di violin (Roberto Ongaro, Il muc);
jê si metè dute in tîr, come in vuaite cuintri di un pericul che al podeve plombâi intor di un moment a di chel altri (Gianni Gregoricchio, Trê feminis)
Sin. trazion
, tension
-
erezion dal orghin sessuâl masculin:
la fantate cence velis ni mudantis mi cjale dret tai voi cu la bocje plene di cjar in tîr (Guido Carrara, Raff BB Lazzara, Gilda)
Sin. erezion
-
s.m.
[TS]
sport
trate di scjalade che e à une lungjece che e va de partence a une polse o che e va di une polse a chê dopo
-
(zerg.)
azion di scjalâ, scjalade:
fin ai prins di Setembar o sarai in Friûl. Lino a fâ cualchi tîr? (Sandri Carrozzo, Profîl Facebook 14/07/2023)
-
s.m.
azion di aspirâ e cuantitât di aiar, fum o sim. aspirade intune volte:
vueli neri tant che il catar che i sbolsei four la matina cuant che i dai il prin tîr di spagnolet (Stiefin Morat, Donald dal Tiliment)
Sin. tirade
-
flus e regolazion di flus di aiar o di fum par un passaç:
[la flame de fornâs] a voltis, e jere gnervose e sfuarçade, a voltis strache e pegre; come se e ves sintût i striaments segrets de lune… E, alore, lui la cuietave o la incitave cul tîr dal cjamin (Maria Forte, La tiere di Lansing)
-
s.m.
(fig.)
azion fate intune volte sole, cence interuzions:
bisugne viodi, puare int, in chê ore li, di chel lavôr li, ce maniere che si ridûs! Mancul mâl che no scuegnin fâ dut un tîr (Riedo Pup, Il seglot di malte)
Sin. tirade
-
s.m.
desideri, voie, ancje improvise, impulsive:
e vinç, baste che zuei, / e cuant che i ven il tîr, / use a zuiâ cun chei / che piardin vulintîr (Pieri Çorut, La mari contente);
e veve brincât il mani di une sape par difindisi, cuant che a lui i jere vignût sù il tîr di dâi (Maria Forte, Mabile la Lunghine)
Cfr. desideri
, voie
, gust
, brame
-
detai dal caratar, inclinazion naturâl:
Il piês, a la Ane i capitâ cu la ete malnassude e disordenade di Menoli, di Milo Taboghe, di Dolfo dal Asin, dal Piçul de Rosse che a vevin il tîr de tristerie (Maria Forte, La aghe dal Ariul)
-
maniere di fâ particolâr, fûr dal ordenari o de razionalitât:
al à, ogni tant, dai tîrs di mat (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Sin. at
, mot
, sest
-
frase o pinsîr in cualchi mût particolâr o no spietât:
capitât da lontan, / al mi vignì pai pîts / cun chest tîr: "Cjar siôr Pieri, o sin amîs; / si cjatarà content / se mi orà favorî tun argoment / […]" (Pieri Çorut, Il Strolic mezan pal 1862)
Sin. pensade
, disade
, jessude
-
s.m.
azion che e à consecuencis su cdn. altri, soredut consecuencis no spietadis e negativis:
a proposit di imbrois, us conti un tîr (Pieri Çorut, Antigaiis)
-
s.m.
il movi un veicul cu la fuarce di bestiis, o ancje di personis:
"Ce bielis bestiis" si complimentà cun Toni Mucjin. "Eh sì, bielis, ma soredut buinis di tîr" (Maria Forte, Cjase di Dalban)
-
veicul tirât di bestiis, cu la specificazion di tropis che a son:
une dì di domenie, ca di nô si balave e li si viôt un tîr di doi, drenti un on su la cuarantine cun tant di manecis (Dolfo Zorzut, Se la prime mi cjoleve)
-
sisteme di trazion o di trasmission ancje di un veicul a motôr:
la moto, une Frera cul tîr a cengle e cui slaifs a çochet che a frenavin sui cerclons, e jere di colôr neri lustri (Roberto Ongaro, Cretevierte)
-
s.m.
(fam., fig.)
il puartâ cdn. intun puest in machine o cuntun altri veicul:
se tu impiis la precolize e tu nus dâs un tîr viars Gurize Gorica Görz, tu dâs une man (Stiefin Morat, Donald dal Tiliment)
Sin. passaç
Polirematichis e espressions idiomatichis