sest
/-è-/
sest
[FO]
-
adi.num., pron.num.
che intune serie o progression al corispuint al numar sîs:
o ai fatis nûf garis e, di cuint che o soi rivât te prime, o soi lat simpri peiorant, vadì sest te seconde, setim te tierce […] (Alan Brusini, I coridôrs di Tresesin);
i prins elencs di vescui in cheste Glesie di Aquilee, a scomencin tor la fin dal sest secul, dal 500 (Francesc Placerean, La Glesie universâl, cence lis Glesiis particolârs, e je un Glesie cence muse)
-
s.m., adi.num.
ognidune des sîs parts compagnis che si pues dividi un intîr:
pal solit [i Scottish Oatcakes] a àn la forme di un cuart o un sest di cercli (Sandri Carrozzo, Scottish Oatcakes);
sparagnâ la seste part da la spese (Guido Antonioli, Florean dal Palaç, IV, 13)
-
s.m.
(ancje fig.)
disposizion ordenade e juste:
une mondisie, un sest là dentri - e diseve la int - di podê strucjâ la polente dulà che si vûl! (Dino Virgili, La aghe da pît la cleve);
ogni robe tal so asset e inmaneade cun sest (Ivano Urli, Storie di Vera);
nencja il got dal vin al zovava par meti sest tai resonamints di barba Fodo che al dissidè da jessi stuf da vivi e che al era miei projodi par finîla (Novella Cantarutti, Barba Fodo e la muart)
-
(fig.)
cundizion, mût di presentâsi di cdn. o di alc:
cjaliti un lamp in ce sest che tu sês (Josef Marchet, Lis predicjis dal muini)
-
(fig.)
persone fine, che si compuarte ben:
Ce sest chê Cjarandine! / Chê Calandre … ninine! (Pieri Çorut, La gnot di Avrîl su la coline di Buri)
Sin. bon sest
, sestin
-
(fig., antifr.)
persone mâl metude e che si compuarte mâl:
Cjalaitlu li, ce sest di cristian! / Sigûr che al à metût chei sîs o siet / mieçs litros di nostran benzà a sotet (Josef Marchet, Il cjochele)
-
s.m.
moviment, spec. des mans o dal cuarp, e mût di movisi:
e jere daûr a disfâ la strece che jê e puartave intorcolade a cocon. Intant che le disgropave cun sescj di gnervôs, e tufave e e tulugnave (Gianni Gregoricchio, Trê feminis);
"Âstu dal mat?!" "Tu tu sâs ce che o ai! Un grop sul stomi!" "No coventin chei sescj chi!" (Luciano Rocco, La foghere);
al tirà sù lis spadulis cuntun sest di fastidi (Amedeo Giacomini, Tal ospedâl)
Sin. moviment
, mot
, at
-
maniere di fâ, di compuartâsi:
Pieri al era zût a domandâla cuntun tâl sest che mê mama a na veva mai gust da contâ cemont (Novella Cantarutti, Se i tu mi voul, tu mi voul);
(a Carlut che al à butade la buste su la taule) "Ma ce sest, va a planc." (Pieri Somede dai Marcs, A la oselade)
Sin. mût
, maniere
Polirematichis e espressions idiomatichis
Proverbis:
- an bisest, an cence sest
- an bisest, lis feminis ni cjâf ni sest
- lis feminis che a nassin in an bisest a son dutis cence sest